100-ü yarıladı

26.04.2013 - 10:56

Azərbaycan kubokunun 1/2 final mərhələsinin “Bakı” ilə cavab oyunu (2:0) “Xəzər Lənkəran”ın futbolçusu Manuel Skarlatake üçün əlamətdar olub. Apasport.az-ın Lənkəran təmsilçisinin saytına istinadən məlumatına görə, rumıniyalı müdafiəçi 50-ci dəfə “ağ-yaşıl”ların heyətində meydana çıxıb.

2011-ci ilin əvvəlində transfer olunan arxa xətt oyunçusu yarım mövsüm ölkəmizdə çıxış etdikdən sonra vətəninə qayıtmışdı. 2012-ci ilin yayında 1 illik fasilədən sonra yenidən “ağ-yaşıllar”ın heyətinə dönən Manuel ümumilikdə “Xəzər Lənkəran”da mövsümyarıma yaxın çıxış edib.

Çempionatda 36, Avropa Liqasında 4 matça çıxan Skarlatake kubokda 10-cu görüşünü keçirməklə ümumi oyun sayında 50-yə çatdı. Bununla da o, klub tarixində 50 və daha çox oyun keçirən 38-ci futbolçu oldu.

mövsüm	turnir	oyun	dəqiqə	qol	sarı	qırmızı
2010/11	çempionat	12	1080	1	2	0
2010/11	kubok	5	480	1	2	0
2012/13	Avroliqa	4	360	1	0	0
2012/13	çempionat	24	2160	5	6	0
2012/13	kubok	5	422	0	0	0
		50	4502	8	10	0