Millimiz üçün Asiyanın 17 məkanı

27.04.2013 - 10:40

Azərbaycan milli komandasının mayın 29-da yoxlama oyunu keçirəcəyi Qətər tarixində ilk dəfə yığmamızla görüşəcək. Apasport.az saytının məlumatına görə, 21 illik tarixində 195 qarşılaşma keçirən komandamız indiyədək bu rəqiblə qarşılaşmayıb.

1992-ci ildən indiyədək 61 komanda ilə görüşən millimiz üçün Qətər 62-ci rəqib olacaq. Asiya təmsilçisi bu qitənin millimizlə qarşılaşan 17-ci komandasıdır. Bunadək Asiya Futbol Konfederasiyasına daxil olan 16 ölkənin millisi yığmamızla qarşılaşmışdı. Təbii ki, əvvəl bu qitəyə aid olub, sonradan UEFA-ya daxil edilən Qazaxıstan nəzərə alınmamaqla.

Asiyanın 16 yığması ilə millimiz indiyədək 34 matç keçirib. Komandamız 13 qələbə qazanıb, 10 heç-heçə edib və 11 dəfə məğlub olub. Bu qarşılaşmalardakı top fərqi futbolçularımızın üstünlüyünü göstərir – 45:40.

Yığmamızın asiyalılarla oyunları

Özbəkistan	9	4	3	2	11-10
İran	4	0	2	2	4-6
Qırğızıstan	2	2	0	0	4-2
Tacikistan	2	2	0	0	5-2
Bəhreyn	2	2	0	0	5-1
İordaniya	2	1	1	0	3-1
Türkmənistan	2	1	0	1	3-2
Küveyt	2	0	2	0	2-2
Oman	2	0	0	2	0-3
Hindistan	1	1	0	0	3-0
BƏƏ	1	0	1	0	3-3
Sinqapur	1	0	1	0	2-2
Səudiyyə Ərəbistanı	1	0	0	1	0-1
İraq	1	0	0	1	0-1
Fələstin	1	0	0	1	0-2
Yaponiya	1	0	0	1	0-2
	34	13	10	11	45-40