Topaz Premyer Liqasının XXXI turu Azərbaycan futbolunda görünməmiş hadisə ilə nəticələnib. Apasport.az saytının məlumatına görə, səfərdə “Qəbələ” ilə heç-heçə edən “Neftçi” ardıcıl 3-cü dəfə çempion titulunu qazanıb. Ən yazın izləyicisini sona 1 tur qalmış 4 xal qabaqlayan bakılılar kimi “Qarabağ” və “İnter”in də yerləri dəqiqləşib. Ağdamlılar gümüş, bakılılar bürüncü təmin edib.

Ötən mövsümdə XXX, ondan əvvəl isə daha tez XXIX turda çempionluğu təmin edən “ağ-qaralar” ardıcıl 3 dəfə Azərbaycanın ən yaxşısı olan ilk komanda oldu. Azərbaycan çempionatlarının 21 illik tarixində bunadək ardıcıl 3 dəfə qızılı qazanan olmamışdı. Ən yaxşı halda hansısa klub 2 çempionluğu sıralamışdı. “Neftçi” 2, “Kəpəz”lə “Şəmkir” 1 belə seriyaya imza atmışdı.

1996/97 mövsümünün mübahisəli çempionluğunu “Neftçi”yə saymaqla bakılılar 8-ci dəfə qızıl medalların sahibi oldu. Düzdür, 16 il əvvəl AFFA-nın əsasnaməsinə görə “Qarabağ” çempion olmuş və layiq olduğu medalları boynundan asmışdı. Lakin UEFA “Neftçi”ni çempion sayaraq Çempionlar Liqasına buraxmışdı, elə indiki PFL də bakılıları çempion hesab edir. “Neftçi”nin də həmin mövsüm özünü çempion elan etdiyi halda, indiki “Qarabağ” rəhbərliyi həmin vaxt qazanılan qızılı hesabına yazdırmaq niyyətindən uzaqdır.

Qeyd edək ki, “Neftçi”nin 8 çempionluğundan başqa “Kəpəz”in 3, “İnter”, “Bakı”, “Şəmkir” hərəyə 2, “Xəzər lənkəran”, “Turan”, “Qarabağ”ın hərəyə 1 çempion titulu var.

Mövsüm	çempion	II yer	III yer
1992	“Neftçi” Bakı	“Xəzər” Sumqayıt	“Turan” Tovuz
1993	“Qarabağ” Ağdam	“Xəzər” Sumqayıt	“Turan” Tovuz
1993/94	“Turan” Tovuz	“Qarabağ” Ağdam	“Kəpəz” Gəncə
1994/95	“Kəpəz” Gəncə	“Turan” Tovuz	“Neftçi” Bakı
1995/96	“Neftçi” Bakı	“Xəzri” Buzovna	“Kəpəz” Gəncə
1996/97	“Neftçi” Bakı	“Qarabağ” Ağdam	“Xəzri” Buzovna
1997/98	“Kəpəz” Gəncə	“Dinamo” Bakı	“Şəmkir”
1998/99	“Kəpəz” Gəncə	“Şəmkir”	“Neftçi” Bakı
1999/2000	“Şəmkir”	“Kəpəz” Gəncə	“Neftçi” Bakı
2000/01	“Şəmkir”	“Neftçi” Bakı	“Viləş” Masallı
2001/02	Yarımnıq qalıb
2002/03	Keçirilməyib
2003/04	“Neftçi” Bakı	“Şəmkir”	“Qarabağ” Ağdam
2004/05	“Neftçi” Bakı	“Xəzər-Lənkəran”	“Karvan” Yevlax
2005/06	“Bakı”	“Karvan” Yevlax	“Neftçi” Bakı
2006/07	“Xəzər-Lənkəran”	“Neftçi” Bakı	“Bakı”
2007/08	“İnter” Bakı	“Olimpik” Bakı	“Neftçi” Bakı
2008/09	“Bakı”	“İnter” Bakı	“Simurq” Zaqatala
2009/10	“İnter” Bakı	“Bakı”	“Qarabağ” Ağdam
2010/11	“Neftçi” Bakı	“Xəzər-Lənkəran”	“Qarabağ” Ağdam
2011/12	“Neftçi” Bakı	“Xəzər-Lənkəran”	“İnter” Bakı
2012/13	“Neftçi” Bakı	“Qarabağ” Ağdam	“İnter” Bakı

• “Liverpul”dan “İnter”ə - RƏSMİ
• İngiltərə millisinin üzvü “Arsenal”da - RƏSMİ
• FİFA-dan DÇ finalındakı davaya sərt qərar
• “Qalatasaray”da ayrılıq - RƏSMİ
• Musiala Supekubok matçını buraxacaq