Azərbaycan millisinin məşqçisi Olaf Yansenin karyerasını Almaniyada davam etdirməsi baş tutmayıb. Apasport.az saytının məlumatına görə, Berti Foqtsun köməkçisinin Kölnün “Viktoriya” klubunun baş məşqçisi təyin olunacağı gözlənilirdi. Lakin bu təyinat gerçəkləşməyib.

Belə ki, klub rəhbərliyi ilə bir araya gələrək müqavilənin şərtlərini müzakirə edən Yansen kölnlülərlə ortaq məxrəcə gələ bilməyib. Danışıqların yarımçıq dayandırılmasını “Viktoriya” rəsmisi Frans Vunderlix elan edib: “Biz Yansenlə maliyyə məsələlərində razılığa gələ bilmədik. Elə müqavilənin müddəti ilə bağlı da əks qütblü baxışlarımızın olduğu üzə çıxdı”.

Qeyd edək ki, 47 yaşlı mütəxəssis 2008-ci ildən millimizdə çalışır.

• “Liverpul”dan “İnter”ə - RƏSMİ
• İngiltərə millisinin üzvü “Arsenal”da - RƏSMİ
• FİFA-dan DÇ finalındakı davaya sərt qərar
• “Qalatasaray”da ayrılıq - RƏSMİ
• Musiala Supekubok matçını buraxacaq