“Qarabağ” “Pyast”a qalib gəldi

18.07.2013 - 21:50

Bu gün Avropa Liqasının II təsnifat mərhələsinin ilk oyunlarına start verilib. Apasport.az saytının məlumatına görə, qitə miqyaslı klub turnirində təmsilçimiz “Qarabağ” ilk görüşünü evdə keçirib.

Belə ki, baş məşqçi Qurban Qurbanovun yetirmələrinin rəqibi Polşanın “Pyast” klubu olub. I təsnifat mərhələsində Makedoniya “Metallurq”unu mübarizədən kənarlaşdıran ağdamlılar bu dəfə Qlevitse təmsilçisini məğlub etmək məcburiyyətində idi.

Tofiq Bəhramov adına Respublika stadionunda baş tutan matça qonaqlar yaxşı başlayıb. Oyunun 19-cu dəqiqəsində Marçin Robak hesabı açıb. Buna baxmayaraq komandamız fasiləyə qədər hesabı bərabərləşdirməyə müvəffəq olub. 40-cı dəqiqədə Riçard Almeyda fərqlənib. İkinci hissənin 83-cü dəqiqəsində isə Reynaldo görüşün yekununu müəyyənləşdirib – 2:1.

Qeyd edək ki, Çempionlar Liqasında II təsnifat mərhələsinin ilk oyun günüdə digər təmsilçimiz “Neftçi” ötən gün doğma azarkeşləri önündə “Skenderbeu”ya qalib gələ bilməyib - 0:0.

Avropa Liqası
II təsnifat mərhələsi (ilk oyunlar)
18 iyul
“Qarabağ” (AZƏRBAYCAN) – “Pyast” (Polşa) - 2:1
QOLLAR: Riçard Almeyda, 40, Reynaldo, 83 - Marçin Robak, 19
Bakı. Tofiq Bəhramov adına Respublika stadionu
Baş hakim: Damir Batiniç (Xorvatiya)

Qarabağ: 89. Miro Varvodiç, 2. Qara Qarayev, 5. Maksim Medvedev, 14. Rəşad Sadiqov (k), 24. Admir Teli, 25. Ansi Aqolli, 7. Namiq Yusifov, 9. Reynaldo, 20. Riçard Almeyda, 11. Nikolas Gelaşvili, 17. Vüqar Nadirov
Ehtiyat oyunçular: 1. Fərhad Vəliyev, 6. Hacı Əhmədov, 55. Bədavi Hüseynov, 16. Leroy Corc, 18. İlqar Qurbanov, 19. Murad Səttarlı, 88. İlrix Kapolonqo
Baş məşqçi: Qurban Qurbanov

Pyast: 29. Yakub Şumski, 11.Marçin Robak, 3. Çaba Horvat, 4. Mateuş Matras, 5. Yan Polak, 14. Adrian Klepçinski, 25. Damian Zbozien, 17. Tomaş Podqorski (k), 18. Matey İzvolt, 20. Lukaş Hanzel, 22. Ruben Jurado
Ehtiyat oyunçular: 1. Yakub Şmatula, 15. Lukaş Kriçki, 10. Kamil Vilçek, 26. Bartoş Şeliqa, 27. Artis Lazdinş, 9. Radoslav Muravski, 16. Pavol Çiçman
Baş məşqçi: Marçin Broş

Oyun başladı.
Təmsilçimiz hesabı açmağa yaxın oldu.
Namiq Yusifov qaydanı pozdu.
Qonaqlar qol vurmağa çalışır.
Nadirovun uzaqdan vurduğu zərbəsi dəqiq olmadı.
Hanzel Almeydaya qarşı kobudluq etdi.
Bu dəfə Yusifov qaydanı pozdu.
“Qarabağ” hücum qurmağa çalışır. Nadirovun zərbəsini qolkiper dəf etdi.
Qonaqlar hesabı açdı.
Nikolas Gelaşviliyə qarşı kobudluq oldu.
Rəqib qaydanı pozdu.
Gelaşvili qol vurmağa yaxın oldu, lain o topa toxuna bilmədi.
Hakim Damian Zbozienə sarı vərəqə göstərdi.
Almeyda hesabı bərabərləşdirmə bilmədi.
Təmsilçimizin hücumu istədikləri kimi alınmadı.
Polak Gelaşviliyə qarşı kobudluq etdi.
Almeyda hesabı bərabərləşdirdi.
“Qarabağ” ikinci qol arayişindadir.
45-ci dəqiqədə Nadirovun zərbəsi dəqiq olmadı.
Rəqib oyundankənar vəziyətdə idi.
İlk hissə 1:1 hesablı bərabərliklə başa çatdı.

Fasilə.

İkinci hissə başladı.
Sadıqovun zərbəsi dəqiq olmadı.
“Qarabağ” ikinci qol vurmağa çalışır.
Aqollinin zərbəsi qapı dirəyinin yanından keçdi.
Rəqib komandanın futbolçusu ofsayta düşdü.
Reynaldonun zərbəsi dəqiq olmadı.
Polşa klubunun futbolçusu yerə yıxıldı.
“Qarabağ” ın qol vurmaq şansı oldu, lakin bunu reallaşdıra bilmədilər.
Maksim rəqibə qarşı kobudluq etdi.
Matey İzvoltun yerinə Kamil Vilçek meydana daxil oldu.
Rəqib Leroy Corca qarşı kobudlu etdi.
Leroy Corc cərmə zərbəni yerinə yetirdi, lakin top canlı səddə dəyib, geriqayıtdı.
Reynaldo fərqlənə bilmədi.
Reynaldo komandasını önə keçirdi.
Nadirovun zərbəsi dəqiq olmadı.
Katalonqonun zərbəsini rəqi qolkiper tutdu.
Murad Sətdarlı Nadirovun yerinə meydana daxil oldu.
Təmsilçimiz küncdən zərbəni yerinə yetirir.
Oyun başa çatdı. Təmsilçimiz 2:1 hesabı ilə rəqibini məğlub etdi.