Yeni mövsümə hazırlıqları Avstriyada davam etdirən "Simurq" dünən bir məşqə çıxıb. Apasport.az klubun rəsmi saytına istinadən xəbər verir ki, "Olimpiakos"la yoxlama görüşündən sonrakı hazırlıq bərpaedici xarakter daşıyıb.

Fitness zalda başlayan məşq prosesi daha sonra komandanın məskunlaşdığı “Kayzer” otelinin meydançasında davam edib. Yoxlama görüşündə 90 dəqiqə forma geyinmiş futbolçular uzun məsafəli qaçış və isinmə hərəkətlərindən sonra ayaq tennisi oynayıb. Digərləri isə 2 qrupa bölünərək kiçik qapılarda ikitərəfli futbol oynayıb. Bundan sonra məşq tamamlanıb və məşqçilər korpusu yetirmələrinə istirahət verib.

Qeyd edək ki, "Simurq" təlim-məşq prosesinin proqramına uyğun olaraq 1 məşqə çıxıb, 1 məşq isə axşam saatlarında olacaq.

• “Fənərbaxça” – “Lion” matçından sonra gərginlik - 6 nəfər saxlanılıb
• "Atletiko" açıqladı: ALVAREZ SATILMAYACAQ
• Qriliş “Siti”dən ayrılarsa, bu kluba gedəcək
• Zirkze “Yunayted”dən ayrılır?
• "Beşiktaş"dan "Yunion"a - RƏSMİ