FİFA referisi Əliyar Ağayev daha bir təyinat alıb. Apasport.az saytının Türkiyənin Cihan Xəbər Agentliyinə istinadən verdiyi məlumata görə, gənc hakimimiz Özbəkistanda yoldaşlıq oyunu idarə edəcək.

Belə ki, Ağayev avqustun 14-də Daşkəndin “Paxtakor” stadionunda baş tutacaq Özbəkistan – Türkiyə matçında baş hakim olacaq. Ona Mehman Mahmudovla Vaqif Musayev kömək edəcək. Qarşılaşma saat 19:00-da başlayacaq.

Qeyd edək ki, Əliyar Ağayev bundan öncə iyulun 11-də Minskdə “Dinamo” və Litva “Kruoya”sının oyununu idarə etmişdi. Avroliqanın 1-ci təsnifat mərhələsinin cavab görüşü olan və 5:0 meydan sahiblərinin xeyrinə başa çatan bu matçda istedadlı referi qonaqların qapısına 1 penalti də təyin etmişdi.

• “Fənərbaxça” – “Lion” matçından sonra gərginlik - 6 nəfər saxlanılıb
• "Atletiko" açıqladı: ALVAREZ SATILMAYACAQ
• Qriliş “Siti”dən ayrılarsa, bu kluba gedəcək
• Zirkze “Yunayted”dən ayrılır?
• "Beşiktaş"dan "Yunion"a - RƏSMİ