Yeni mövsümə hazırlığın ikinci mərhələsini Sloveniyada keçirən "Rəvan” ötən gün 2-ci hazırlıq matçını keçirib. Apasport.az saytının məlumatına görə, paytaxt klubu Serbiya Superliqasının təmsilçisi “Donyi Srem”lə qarşılaşıb.

Görüşdə “Rəvan” rəqibinə 0:2 hesabı ilə məğlub olub.

1927-ci ildə “Borats Peçintsi” adı altında yaradılan, sonradan adını “Donyi Srem”ə dəyişən komanda 2009-cu ildən inkişafdadır. Bunun da məntiqi nəticəsi olaraq kiçik Peçintsi rayonunun komandası hazırda Serbiya elitasının üzvüdür. Son mövsümü 16 komanda arasında 11-ci sırada bitirən “Donyi Srem” həm də “Feyr-pley” mükafatının sahibi olub. Komandanı may ayından etibarən Lyubomir Ristovski çalışdırır.

Qeyd edək ki, 3 gün öncə “Bakı” bu komanda ilə yoxlama oyunu keçirib. Ancaq “zolaqlılar”ın 1:4 hesabı ilə darmadağın olduğu qarşılaşma sona kimi çatdırılmamışdı. Belə ki, görüşün sonlarında Rauf Əliyevlə serbiyalı yarımmüdafiəçi İqor Miladinoviç arasındakı mübahisənin böyüməsi sayəsində oyun yarımçıq dayandırılmışdı.

Yoldaşlıq oyunu
Rəvan (AZƏRBAYCAN) – Donyi Srem (Serbiya) - 0:2

• “Fənərbaxça” – “Lion” matçından sonra gərginlik - 6 nəfər saxlanılıb
• "Atletiko" açıqladı: ALVAREZ SATILMAYACAQ
• Qriliş “Siti”dən ayrılarsa, bu kluba gedəcək
• Zirkze “Yunayted”dən ayrılır?
• "Beşiktaş"dan "Yunion"a - RƏSMİ