“Fənərbaxça”ya “Xəzər Lənkəran”la oyunöncəsi daha bir xoş xəbər yerli məhkəmədən gəlib. Apasport.az saytının məlumatına görə, İstanbul Anadolu 5-ci Asliye Məhkəməsi “sarı bülbüllər”in prezidenti Əziz Yıldırım və klubun idarə heyətinin 2 üzvü - Şekip Mosturoğlu ilə İlhan Ekşioğlu barəsində müvəqqəti olaraq vəzifələrindən uzaqlaşdırma qərarını yenidən baxıb.

Sözügedən məhkəmə cəzanın qüvvədən düşüdüyünü açıqlayıb.

“Fənərbaxça” daha əvvəl UEFA bayrağı altında keçirilən turnirlərdən 2 illik kənarlaşdırılmışdır. Lakin sonradan Lozannadakı İdman Arbitraj Məhkəməsi onların UEFA-nın qərarının dayandırılmağı ilə bağlı şikayətini müsbət cavablandırıb.

Qeyd edək ki, bu gün axşam saatlarında istanbullular çarter reysi ilə Lənkərana gələcək. “Sarı bülbüllər”in “Fırtınalar meydanı”nda cənublularla oyunu sabah saat 21:00-da başlayacaq.

• “Fənərbaxça” – “Lion” matçından sonra gərginlik - 6 nəfər saxlanılıb
• "Atletiko" açıqladı: ALVAREZ SATILMAYACAQ
• Qriliş “Siti”dən ayrılarsa, bu kluba gedəcək
• Zirkze “Yunayted”dən ayrılır?
• "Beşiktaş"dan "Yunion"a - RƏSMİ