“Neftçi”nin Çempionlar Liqasının III təsnifat mərhələsində potensial rəqiblərindən olan BATE-nin lideri Aleksandr Qleb turnirdə daha çox irəliləməyi düşünür. Apasport.az saytının məlumatına görə, “Neftçi” – “Skenderbeu” cütünün qalibi ilə üzləşəcək Borisov təmsilçisi aparıcı futbolçu hələ növbəti rəqib haqda danışmağı tez sayaraq, bu mərhələni mütləq keçməli olduğunu qənaətindədir.

Belə ki, BATE ilk oyunda evdə Qazaxıstanın “Şaxtyor” klubuna 0:1 hesabı ilə uduzub. Üstəlik, iyulun 23-də cavab oyununun keçiriləcəyi Karaqandada meydança pis vəziyyətdədir.

Aleksandr bu haqda məlumatlı olduğunu bildirib: “Ancaq nə etmək olar? İndiki vəziyyətdə ən yaxşı keyfiyyətlərini göstərməlisən, meydanda bütün gücünü qoymalısan. İstənilən halda, geriyə yolumuz yoxdur. Əgər biz Karandada 1 qol belə vurmasaq...Onda kim qol vurmalıdır? Belə komandanı yenməyəcəyiksə, onda həqiqətən növbəti mərhələyə çıxmağa layiq deylik”.

• “Fənərbaxça” – “Lion” matçından sonra gərginlik - 6 nəfər saxlanılıb
• "Atletiko" açıqladı: ALVAREZ SATILMAYACAQ
• Qriliş “Siti”dən ayrılarsa, bu kluba gedəcək
• Zirkze “Yunayted”dən ayrılır?
• "Beşiktaş"dan "Yunion"a - RƏSMİ