Çempionlar Liqasında II təsnifat mərhələsinin cavab oyunlarına start verilib. Apasport.az saytının məlumatına görə, qitənin ən titullu klub turnirində mübarizə aparan yeganə təmsilçimiz “Neftçi” də bu gün meydana çıxıb.

Bakıda keçirilən ilk matçda Albaniyanın “Skenderbeu” klubu ilə qolsuz heç-heçə edən çempionumuz mərhələ keçmək üçün səfərdə münasibətlərinə aydınlıq gətirib. Bu matçda baş məşqçi Böyükağa Hacıyevin yetirmələrinə ya qollu heç-heçə, ya da qələbə lazım idi ki, növbəti mərhələyə keçsin. Lakin flaqmanın qrup arzusu gözündə qalıb.

Belə ki, oyunun əsas vaxtına qədər tərəflər fərqlənə bilməyiblər. Matça əlavə edilən dəqiqələrdə isə meydan sahibləri istəyini reallaşdırıb. 116-cı dəqiqədə Nureddin Orelesinin qüvvətli zərbəsi təmsilçimizin qapıçısı Saşa Stamenkoviç üçün qarşısı alınmaz olub – 1:0.

Beləliklə, ötən mövsüm Avropada uğurlu çıxışı ilə futbolumuzda tarix yazaraq, diqqət mərkəzinə düşən “Neftçi” eyni uğuru təkrarlaya bilməyib.

Çempionlar Liqası
II təsnifat mərhələsi (cavab oyunu)
23 iyul
“Skenderbeu” (Albaniya) - “Neftçi” (AZƏRBAYCAN) - 1:0
QOL: Nureddin Orelesi, 116
QIRMIZI VƏRƏQƏ: İqor Mitreski, 90+2
Korça. “Skenderbeu” stadionu
Baş hakim: Pavel Gil
Baş hakimin köməkçiləri: Piotr Sadczuk, Marcin Borkovski
Dördüncü hakim: Pavel Raçkovski (hakimlər briqadası Polşadandır)
UEFA nümayəndəsi: Riçard Qavrila (Slovakiya)
Hakim-inspektor: Adrian D.Caşa (Malta)

“Skenderbeu”: 1. Orqes Şehi, 3. Renato Arapi, 20. Ademir Ribeyro, 33. Marko Radas, 78. İvan Qvozdenoviç, 8. Nureddin Orelesi, 17. Gilman Lika, 31. Jetmir Sefa, 88. Sabiean Lilay, 10. Bledi Şkembi (k), 22. Pero Pejiç
Baş məşqçi: Mirel Yosa

“Neftçi”: 30. Saşa Stamenkoviç, 2. Alexandr Karlos Kardosa, 3. Denis Kruz, 5. İqor Mitreski, 16. Buruno Bertuççi, 22. Mahir Şükürov (k), 9. Valensio Aleks Flavio, 10. Julius Vobay, 15. Erik Ramos, 25. Cavid İmamverdiyev, 11. Melvin Platje
Ehtiyat oyunçular: 1. Pavel Doroşev, 4. Tərlan Quliyev, 32. Elvin Yunuszadə, 6. Rəşad Sadiqov, 7. Araz Abdullayev, 19. Mirhüseyn Seyidov, 14. Bahodir Nasimov,
Baş məşqçi: Böyükağa Hacıyev

Oyun başladı. İlk topa qonaqlar toxundu.
Təmsilçilərimiz qaydanı pozdu.
Rəqib Vobaya qarşı kobudluqla oynadı.
Meydan sahibləri təhlükəli hücum etdi.
“Skenderbeu” ard-arda hücumlar qurur.
Kardosa rəqibə qarşı kobudluq etdi.
Hakim İmamverdiyevə sarı vərəqə göstərdi.
Təmsilçimiz topa nəzarət edir.
Flaqman qol arayışındadır.
Rəqib hesabı açmağa yaxın oldu. Lakin meydan sahibləri fərqlənə bilmədi.
Top meydanın mərkəzindədir.
Təmsilçimiz küncdən zərbə ilə topu oyuna daxil etdi, Silva fərqlənə bilmədi.
Meydan sahiblərinin təhlükəli hücumu kəsərsiz oldu.
“Neftçi” hücum qurmağa çalışır.
Denis Silvanın uzaqdan vurduğu zərbəsi təhlükəli oldu.
Komandamız topu özündə saxlayır.
Albanlar təhlükəli zərbə vurdu, lakin təmsilçimiz üçün yaxşı qurtardı.
Vobaya qarşı kobudluq etdilər.
Hakim Renato Arapini sarı vərəqə ilə cəzalandırdı.
Şükürovun cərmə meydançasına ötürdüyü top unvansız oldu.
Flavinyo zədələnib, yerə yıxıldı.
36-cı dəqiqədə Alexandr Karlos Kardosa meydandan çıxdı, onu Rəşad Sadiqov əvəzlədi..
Vobayın zərbəsi müdafiəçiyə dəyərək geri qayıtdı.
Vobayın zərbəsini qolkiper dəf etdi.
Təmsilçimiz hesabı açmağa çalışır.
Matç başa çatdı. Tərəflər fasiləyə qolsuz heç-heçə ilə yollandı.

Fasilə.

İkinci hissə başladı.
48-ci dəqiqədə təmsilçimiz hesabı aça bilmədi.
Meydan sahibləri cərmə zərbəsini yerinə yetirdi.
Rəqib komandanın futbolçusu yerə yıxıldı.
Ev sahiblərinin təhlükəli hücumunu təmsilçimizin qapıçısı dəf etdi.
Hakim Abazini sarı vərəqə ilə cəzalandırdı.
62-ci dəqiqədə “Neftçi” fərqlənməyə yaxın oldu.
Müdafiəçilərimiz rəqibin hücumunun qarşısını kəsdilər.
Meydan sahibləri cərmə zərbəsini yerinə yetirdi və təmsilçilərimiz təhlükəni sovuşdurdu.
Vobay rəqib komandanın qapısı önündə topu qapıdan keçirə bilmədi.
“Neftçi” künc zərbəsini yerinə yetirdi, lakin qapı önündə topu tora göndərən olmadı.
72-ci dəqiqədə Araz Abdullayev Cavid İmamverdiyevin yerinə meydana daxil oldu.
Flavinyonun zərbəsi qapının üstündən keçdi.
77-ci dəqiqədə Morina Likanın yerinə meydana daxil oldu.
Bertuçinin zərbəsi təhlükəli oldu.
Komandamızı futbolçuları rəqibə qarşı kobudluq etdi.
Tomiç Sabiean Lilayı əvəzlədi.
Təmsilçimizin növbəti hücumu da təhlükəli oldu.
Rəqib komandanın uzaqdan vurduğu zərbəni Saşa çıxardı.
Abdullayevin sağ cinahdan asması ünvansız oldu.
Pejiç oyundan kənar vəziyətə düşdü.
90+2-ci dəqiqədə İqor Mitreski Pejiçi yıxdı, hakim ona qırmızı vərəqə göstərdi.
Meydan sahiblərinin cərmə zərbəsindən sonra Abazi fərqlənməyə yaxın oldu, lain onun zərbəsi qapının üstündən keçdi.
İkinci hissə başa çatdı. komandalar əlavə 30 dəqiqədə də mübarizə aparacaq.

30 dəqiqə.

Əlavə dəqiqələr başladı.
Təmsilçimiz qol arayışındadır.
Pejiçin zərbəsi qapının yanından keçdi.
Hakim Elvin Yuniszadəni sarı vərəqə ilə cəzalandırdı.
"Skenderbeu"nun daha bir təhlükəli hücumu zamanı Stamenkoviç komandasını qoldan xilas edir.
Şükürovun uzaqdan vurduğu zərbəsi qapının üstündən çölə çıxdı.
Əlavə vaxtın 15 dəqiqəsi başa çatdı.
Rəqib ard-arda hücumlar edir.
Ev sahiblərinin hücumu komandamız üçün təhlükəli oldu.
Flavinyo hücum qura bilmədi.
116-cı dəqiqədə Orelesi hesabı açdı.
Hakim Abdullayevə sarı vərəqə verdi.
Oyun başa çatı, komandamız rəqibinə 1:0 hesabı ilə məğlub olaraq, turnirlə vidalaşdı.

• Fatih Tekkenin istefası qəbul edilmədi – “Trabzonspor”da qaldı
• Fatih Tekke İSTEFA VERDİ
• “Roma” Ostervolde transferindən imtina etdi – Futbolçu “Fənərbaxça”ya qayıdır
• UEFA İnfantinonun FİFA prezidentliyinə namizədliyini dəstəkləməyəcək
• UEFA İnfantinodan əl çəkmir – FIFA prezidentini devirmək üçün yeni plan