“Barselona” yeni baş məşqçisinin adını açıqlayıb. Apasport.az-ın məlumatına görə, klubun rəsmi saytı 50 yaşlı argentinalı mütəxəssis Xerardo Martinonun təyinatının artıq gerçəkləşdiyini yazıb.

Direktorlar Şurasının bu posta təsdiqlədiyi çalışdırıcı ilə 3 illik müqavilə imzalanacaq. Nəticədə Martino “Barsa”nın tarixində Roke Olsen, Elenio Errera və Sezar Luis Menottidən sonra 4-cü argentinalı çalışdırıcı olub.

Son iş yeri vətənində “Nyuells Old Boyz” olan Martino bu il Argentina çempionatının və Libertadores kubokunun finalında iştirak edib. 4 dəfə baş məşqçisi olduğu klubları Paraqvay çempionu edib, 2007-ci ildə Cənubi Amerikada ilin məşqçisi olub. Bundan əlavə, çalışdırdığı Paraqvay yığması ilə 2010-cu ildə Cənubi Afrika Respublikasında keçirilən dünya çempionatında 1/4 finala kimi irəliləyərək, sonda qalib olan İspaniya millisinə 0:1 hesabı ilə uduzub.

Qeyd edək ki, İspaniya klubunda ötən mövsüm baş məşqçisi olan yerli mütəxəssis Tito Vilanova səhhətində problemə görə bir neçə gün öncə postundan gedib.

• Fatih Tekkenin istefası qəbul edilmədi – “Trabzonspor”da qaldı
• Fatih Tekke İSTEFA VERDİ
• “Roma” Ostervolde transferindən imtina etdi – Futbolçu “Fənərbaxça”ya qayıdır
• UEFA İnfantinonun FİFA prezidentliyinə namizədliyini dəstəkləməyəcək
• UEFA İnfantinodan əl çəkmir – FIFA prezidentini devirmək üçün yeni plan