Bu gün “Xəzər Lənkəran”ın qonağı olacaq İsrailin “Makkabi” klubu səfər sindromu yaşayır. Apasport.az saytının məlumatına görə, Avropa Liqasının II təsnifat mərhələsinin cavab oyununu keçirmək üçün ölkəmizə gələn Hayfa təmsilçisi avrokuboklardakı son 4 səfər matçında məğlub olub.

2011/12 mövsümünə təsadüf edən bu qarşılaşmaların hamısında qol vurmağı da bacaran “Makkabi” Belçikada “Genk”ə 1:2 (ardınca penaltilər seriyasında 1:4), Almaniyada “Şalke”yə 1:3, Rumıniyada “Styaua”ya 2:4, Kiprdə AEK-ə 1:2 hesabı ilə uduzmuşdu. Bu matçlardan son 3-ü Avropa liqasının qrupunda qeydə alınıb.

Ümumiyyətlə isə israillilər son 10 səfər matçında qələbəyə həsrət qalıb. Bu qarşılaşmalarda cəmi 1 heç-heçə ilə təsəlli tapan Hayfa klubu sonuncu qələbəsini 4 il əvvəl əldə edib. 2009-cu il avqustun 19-da Avstriyada Zalsburqun “Austriya” klubunu 2:1 hesabı ilə yenən “Makkabi” rəqib meydanlarında son qələbəsini bayram edib.

• “Bayer”i İngiltərə klubuna dəyişdi - RƏSMİ
• Almaniya millisinin üzvü “Aston Villa”da
• Fatih Tekkenin istefası qəbul edilmədi – “Trabzonspor”da qaldı
• Fatih Tekke İSTEFA VERDİ
• “Roma” Ostervolde transferindən imtina etdi – Futbolçu “Fənərbaxça”ya qayıdır