Bakı “İnter”inin rəqibi olan Norveçin “Tromse” klubu Avropa Liqasının II təsnifat mərhələsinin Bakıda keçiriləcək cavab oyunu ərəfəsində nikbinliyə əsas tapıb. Apasport.az saytının məlumatına görə, öz meydanında 2:0 hesabı ilə qalib gələn skandinaviyalıların baş məşqçisi Aqnar Kristensen də səfər qarşılaşmasına ümidlər bəsləyir.

Mütəxəssis bunu komandasının rəqib meydanlarında yaxşı oynaması ilə bağlayır: “Statistikaya baxın! Onda aşkar görərsiniz ki, biz səfər oyunlarında çox nadir hallarda 2 və daha çox top fərqi ilə uduzuruq. Düzdür, indi bu amil heç bir əhəmiyyət kəsb etmir. Ancaq belə olması xoşdur”.

Qeyd edək ki, I təsnifat mərhələsində öz meydanında “Selye”yə 1:2 hesabı ilə yenilən “Tromse” Sloveniyadakı 2 cavabsız qolla qalib gəlməklə rəqibini mübarizədən kənarlaşdırmışdı. Ümumiyyətlə isə Norveç təmsilçisi avrokuboklarda cəmi 2 dəfə 2 və ya daha çox top fərqi ilə uduzub. 1997-ci ildə İngiltərə “Çelsi”sinə 1:7 hesabı ilə yenilən “Tromse” 8 il əvvəl Fransada “Strasburq”dan 2 cavabsız qol buraxmışdı. “İnter” sonuncuların uğurunu təkrarlamaqla yalnız əlavə vaxta nail ola bilər. Mərhələ adlamaq üçün isə “Çelsi” nümunəsindən yararlanmaq lazımdır. Son 9 səfər matçında cəmi 2 dəfə uduzan norveçlilər bu matçlarda minimal fərqlə məğlub olub. Bu matçlardakı qələbələrin sayı isə 4-dür.

• “Bayer”i İngiltərə klubuna dəyişdi - RƏSMİ
• Almaniya millisinin üzvü “Aston Villa”da
• Fatih Tekkenin istefası qəbul edilmədi – “Trabzonspor”da qaldı
• Fatih Tekke İSTEFA VERDİ
• “Roma” Ostervolde transferindən imtina etdi – Futbolçu “Fənərbaxça”ya qayıdır