Avropa Liqasının II təsnifat mərhələsinin cavab oyunu “Qarabağ”ln kapitanı Rəşad Sadıqov üçün əlamətdar olacaq. Apasport.az saytının məlumatına görə, 31 yaşlı müdafiəçi Azərbaycan klublarının heyətində yubiley – 40-cı avrokubok qarşılaşmasına çıxacaq.

Polşa “Pyast”ı ilə bugünkü görüşədək Sadıqov 39 belə matçın iştirakçısı olub. Avrokuboklarda ölkəmizin yalnız 2 klubunun formasını geyən müdafiəçi “Neftçi” və “Qarabağ”la Çempionlar Liqası, UEFA kuboku/Avropa Liqası və İntertoto kuboku matçlarında çıxış edib.

Onun debüt oyunu 2001-ci il avqustun 9-da Bakıda baş tutan “Neftçi” –“HİT Qoritsa” qarşılaşması olub. UEFA kubokundakı həmin oyun qolsuz heç-heçə ilə nəticələnib.

40-cı oyununu keçirəcək Rəşad Azərbaycan klublarının heyətində ən çox oyun keçirən 2-ci oyunçudur. Adaşı Sadiqovdan 6 matç geridə qalan “Qarabağ”ın kapitanı Polşada bu fərqi 5-ə endirəcək. Onun rekorda şərik olması üçün isə ağdamlılar həm bu. həm də növbəti 2 mərhələni keçməli və qrupa yüksəlməlidir.

• “Bayer”i İngiltərə klubuna dəyişdi - RƏSMİ
• Almaniya millisinin üzvü “Aston Villa”da
• Fatih Tekkenin istefası qəbul edilmədi – “Trabzonspor”da qaldı
• Fatih Tekke İSTEFA VERDİ
• “Roma” Ostervolde transferindən imtina etdi – Futbolçu “Fənərbaxça”ya qayıdır