İngiltərə “Mançester Yunayted”i İspaniyanın “Real” klubunun və Almaniya milli komandasının futbolçusu Məsut Özil üçün 40 milyon funt təklif edib. Apasport.az saytının məlumatına görə, “qırmızı şeytanlar” orta xətti gücləndirməyə qadir oyunçu axtarırlar.

Sesk Fabreqas və Tyaqo Alkantaranı ala bilmədikdən sonra bu komanda Özil variantına əl atıb. “Real”ın cavabı bəlli deyil.

Qeyd edək ki, Məsut Özilin “Real Madrid”lə hazırkı müqaviləsi 2016-cı ilin yayında başa çatır. “Kral klubu”nun rəhbərliyi onunla yeni anlaşmadan imtina edib. Səbəb kimi hazırkı sövdələşmənin başa çatmasına xeyli vaxtın qaldığı göstərilib. Özilin ətrafı isə ehtiyat edir ki, İsko, İlyaramendi və Kazemironun alınması onun komandadakı yerini şübhə altında qoya bilər. (Mənbə: Lent.az)

• Alvarez “Siti”yə qayıdır?
• Günün oyunları bu kanallarda - TV AFİŞA
• Cengiz ünder rəsmən “Çorum”da
• “Neftçi”dən ayrıldı - TÜRKİYƏDƏ OYNAYACAQ
• İngiltərədə klubunu dəyişdi - RƏSMİ