İngiltərə Premyer Liqasına məğlubiyyətlə başlayan “Arsenal” Türkiyə millisinin 2 aparıcı futbolçunu transfer edə bilər. Apasport.az saytının məlumatına görə, London təmsilçisinin baş məşqçisi Arsen Venger hazırda “Atletiko”da forma geyinən Arda Turan və “Qalatasaray”ın şərəfini qoruyan Burak Yılmazın xidmətində maraqlıdı.

Belə ki, Çempionlar Liqasının pley-off mərhələsində “Fənərbaxça”ya rəqib olacaq “Arsenal” artıq Madrid klubuna 30 milyon avro təklif edib. Bunu İngiltərə və İspaniya mətbuatı da təsdiqləyib. Hətta iddia olunur ki, Venger Luis Suaresin transferinin alınmamağından sonra Burakın “Arsenal”a gəlməsini istəyir.

Londonlular Fatih Terimin “Qalatasaray”da “qələmini qırdığı” hücumçu üçün isə 25 milyon avrosundan keçməyə hazırdırlar.

Yeri gəlmişkən, az öncə “sarı-qırmızılar” Burakın transfer məbləğini açıqlayıb. Maraqlıdır ki, “Arsenal”ın 25 milyon avroya almaq istədiyi hücumçuya 17 milyon qiymət qoyulub. Özü də bu məbləğin 7 milyonunu nağd, 10 milyonu isə 1 il içərində ödənilməsi istənilir.

Qeyd edək ki, son mövsümün bombardiri olan Yılmaz “Arsenal”la yanaşı, “Atletiko” və “Napoli”nin də maraq dairəsindədir. Lakin italiyalılar 4 il müddətində kluba 10 milyon avro ödəməyə hazır olduqlarını bəyan etsələr də, “Qalatasaray” bu təklifə razı olmayıb.

• Alvarez “Siti”yə qayıdır?
• Günün oyunları bu kanallarda - TV AFİŞA
• Cengiz ünder rəsmən “Çorum”da
• “Neftçi”dən ayrıldı - TÜRKİYƏDƏ OYNAYACAQ
• İngiltərədə klubunu dəyişdi - RƏSMİ