“Qarabağ” - “Ayntraxt”: 2 manatlıq bilet qalmadı, qazon düzəldi
20.08.2013 - 16:23
“Kassalarda “Qarabağ” - “Ayntraxt” görüşünə bilet satışı davam edir. Biletlərin qiyməti 1-2, VİP-ə isə 50 manatdır”. Bu fikirləri apasport.az saytına açıqlamasında Tofiq Bəhramov adına Respublika stadionunun direktoru Akif İsmayılov deyib.
Avropa Liqasının son təsnifat mərhələsi çərçivəsində avqustun 22-də mərkəzi arenada keçiriləcək “Qarabağ” – “Ayntraxt” oyununa hazırlıq davam edir.
İsmayılov bütün sektorlar üzrə biletlərin satışa çıxarıldığını bildirib: “Qarabağ”ın hissə-hissə bizə verdiyi biletlərin satışını stadionun kassalarında həyata keçiririk. Məndə olan son məlumata görə, 15 mindən yuxarı bilet satılıb. Almaniyalı azarkeşlər üçün 27-28-ci sektorlar nəzərdə tutulub. Həm onlar, həm də ümumiyyətlə, stadionda təhlükəsizlik məsələlərinə hazırlıq gedir”.
“Qarabağ” çempionatda son 2 ev oyununu “Bakcell Arena”da keçirməli oldu ki, bu da daxili yarışlarda da rəqiblərini qəbul etdiyi Respublika stadionunda hazırlıq işləri ilə bağlı idi. İsmayılov bunun ot örtüyü bağlı olduğunu bildirib: “Qazonla bağlı bir az dəyişiklik var. Çalışmışıq ki, onu daha yaxşı düzəldək”.
“Qarabağ”ın meneceri Asif Əsgərov isə biletlərin 2 məkanda satıldığını bildirib. Onun sözlərinə görə, satışın 80-85 faiz Respublika stadionunda, qalanı “Park Bulvar” Alış-Veriş Mərkəzində həyata keçirilir: “Hazırda olan məlumata görə, 20 mindən artıq bilet satılıb. 2 manatlıq biletlər qalmayıb, VİP-ə isə az qalıb. Əsasən 1 manatlıq biletlər öz sahiblərini gözləyir. Rəqib üçün 1000-1200 bilet ayırmışıq, qalanları satışdadır”.
O, “qara bazar”la bağlı olan məsələyə də aydınlıq gətirib. Belə ki, biletlərin oyun günün qiymətindən baha satılmağı halları müşahidə olunur: “Biz bunun qarşısını maksimum almağa çalışırıq. Azarkeşləri kassalara dəvət edirik. Orda nümayəndəmiz, mühafizə xidməti var, rahatca biletləri öz qiymətinə ala bilərlər”.
Mehman SÜLEYMANOV
Avropa Liqasının son təsnifat mərhələsi çərçivəsində avqustun 22-də mərkəzi arenada keçiriləcək “Qarabağ” – “Ayntraxt” oyununa hazırlıq davam edir.
İsmayılov bütün sektorlar üzrə biletlərin satışa çıxarıldığını bildirib: “Qarabağ”ın hissə-hissə bizə verdiyi biletlərin satışını stadionun kassalarında həyata keçiririk. Məndə olan son məlumata görə, 15 mindən yuxarı bilet satılıb. Almaniyalı azarkeşlər üçün 27-28-ci sektorlar nəzərdə tutulub. Həm onlar, həm də ümumiyyətlə, stadionda təhlükəsizlik məsələlərinə hazırlıq gedir”.
“Qarabağ” çempionatda son 2 ev oyununu “Bakcell Arena”da keçirməli oldu ki, bu da daxili yarışlarda da rəqiblərini qəbul etdiyi Respublika stadionunda hazırlıq işləri ilə bağlı idi. İsmayılov bunun ot örtüyü bağlı olduğunu bildirib: “Qazonla bağlı bir az dəyişiklik var. Çalışmışıq ki, onu daha yaxşı düzəldək”.
“Qarabağ”ın meneceri Asif Əsgərov isə biletlərin 2 məkanda satıldığını bildirib. Onun sözlərinə görə, satışın 80-85 faiz Respublika stadionunda, qalanı “Park Bulvar” Alış-Veriş Mərkəzində həyata keçirilir: “Hazırda olan məlumata görə, 20 mindən artıq bilet satılıb. 2 manatlıq biletlər qalmayıb, VİP-ə isə az qalıb. Əsasən 1 manatlıq biletlər öz sahiblərini gözləyir. Rəqib üçün 1000-1200 bilet ayırmışıq, qalanları satışdadır”.
O, “qara bazar”la bağlı olan məsələyə də aydınlıq gətirib. Belə ki, biletlərin oyun günün qiymətindən baha satılmağı halları müşahidə olunur: “Biz bunun qarşısını maksimum almağa çalışırıq. Azarkeşləri kassalara dəvət edirik. Orda nümayəndəmiz, mühafizə xidməti var, rahatca biletləri öz qiymətinə ala bilərlər”.
Mehman SÜLEYMANOV
Oxşar xəbərlər
Ana səhifə
Bütün xəbərlər