“Azərbaycan millisi ilə oyunlarda qeydə alınan heç-heçələri uğurlu nəticədir”. Apasport.az saytının məlumatına görə, bunu Lüksemburq yığmasının sabiq yarımmüdafiəçisi Ceff Saybene deyib.

Hazırda İsveçrənin “Sant-Qallen” klubunun baş məşqçisi olan 64 yaşlı mütəxəssis vaxtı ilə şərəfini qoruduğu komandanın DÇ-2014-ün seçmə mərhələsində çıxışını dəyərləndirib. Millidə 64 matç keçirən Saybene bildirib ki, “cırtdan ölkə” təmsilçisi inkişafdadır: “Bu ay yığmamız Litva ilə keçirdiyi yoxlama matçında 2:1 hesabı ilə qələbə qazandı. Ondan öncə isə Azərbaycan yığması ilə seçmə mərhələnin 2 ardıcıl matçda bərabərliyə nail oldu. Bu da onu göstərir ki, yığmamız yavaş-yavaş inkişaf edir”.

Qeyd edək ki, səfərdə lüksemburqlularla qolsuz heç-heçə edən Azərbaycan millisi Bakıda hesabı açmasına baxmayaraq, sonradan qapısında qol görmüşdü – 1:1.

• Alvarez “Siti”yə qayıdır?
• Günün oyunları bu kanallarda - TV AFİŞA
• Cengiz ünder rəsmən “Çorum”da
• “Neftçi”dən ayrıldı - TÜRKİYƏDƏ OYNAYACAQ
• İngiltərədə klubunu dəyişdi - RƏSMİ