İlço Naumoski: Hücumçu heç nədən qol yarada bilməz - MÜSAHİBƏ
28.08.2013 - 16:16
“İnter”in yeni futbolçusu İlço Naumoski klubun rəsmi saytına müsahibə verib. Apasport.az-ın məlumatına görə, makedoniyalı legioner Bakı klubuna keçidi, karyerası, yeni klubundakı hədəf və istəkləri barədə danışıb.
- Azərbaycana gəlməzdən əvvəl uzun müddət Avstriyada çıxış etmisiniz...
- Bəli, futbol karyerama məhz Avstriyada başlamışam. 11 yaşımda Vyananın “Rapid” klubunda futbolla məşğul olmuşam. Peşəkar karyeram 16 yaşımda Avstriyanın 3-cü divizionunda çıxış etdiyim zaman başlamışdı. Bu klubda bir mövsüm keçirdim və turnirin ən yaxşı bombardiri oldum. 18 yaşımda Qrats şəhərində yerləşən QAK komandasına keçdim. Bu komandanın heyətində Avstriya çempionatının qalibi oldum. Həmin mövsüm biz həm də kuboku qazandıq, beləliklə də “qızıl dubl” etdik. QAK-ın heyətində iki mövsüm keçirdikdən sonra Türkiyənin “Malatyaspor” klubunda çıxış etməyə başladım. Bu komandaya tanınmış mütəxəssis Aykut Kocaman rəhbərlik edirdi. Etiraf edim ki, Malatyada yaşamaq mənim üçün çətin idi. Bəli, Türkiyə çempionatı yaxşı səviyyəsi ilə seçilirdi, amma mən tezliklə bu ölkəni tərk etdim. Türkiyədə təqribən yarım il keçirdim. Sonra İtaliyaya yollandım. Amma orada da gözlənilməz problemlərlə qarşılaşdım. Belə ki, mənim yeni klubum “Katanya” vaxtında transfer vərəqəmi almadı və bu isə o demək idi ki, mən rəsmi oyunlarda meydana çıxa bilməyəcəyəm. Buna görə də, məşq etmək və yoldaşlıq oyunlarında iştirak etməklə kifayətlənmək məcburiyyətində qaldım. Bundan sonra Avstriyaya qayıtmağa qərar verdim və növbəti səkkiz mövsüm “Mattersburq” klubunda çıxış etdim.
- Bəs “İnter”ə keçidiniz necə baş verdi?
- “İnter” tərəfindən mənə təklif göndərildi və təklifə razılıqla cavab verdim. Azərbaycana da belə gəldim. Etiraf edim ki, məhz bu komandaya qoşulmağıma şadam.
- Buraya gəlməzdən əvvəl klubumuz və ölkəmiz haqqında nə bilirdiniz?
- Səmimi deyirəm ki, “İnter” haqqında məlumatım vardı. Makedoniya millisində birlikdə çıxış etdiyimiz Slavço Georgiyevski klub barədə məlumatları mənimlə paylaşdı. O mənə dedi ki, “İnter” Azərbaycanın ən iddialı komandalarından biridir. Ölkəniz haqqındasa onu bilirdim ki, Azərbaycan əvvəllər SSRİ-nin tərkibində olub. Bilirdim ki, 2012-ci ildə Azərbaycanın paytaxtı Bakıda “Avroviziya” musiqi yarışması keçirilib. Bundan başqa, mənə məlumdur ki, yerli komandaya alman mütəxəssisi Berti Foqts rəhbərlik edir. “Neftçi” və “Qarabağ” kimi Azərbaycanın digər klubları haqqında da eşitmişdim.
- 2011-ci ildə Makedoniya milli komandası yoldaşlıq matçı keçirmək məqsədilə Azərbaycana gəlmişdi. Həmin oyunu xatırlayırsınız?
- Bəli, xatırlayıram. Lakin həmin oyunda iştirak edə bilmədim. Yadımdadır ki, bu oyunda iştirak etmək üçün mənə dəvət gəlmişdi, amma mən “Mattersburq”da keçirdiyim ağır mövsümdən sonra yorulmuşdum və istirahət üçün məşqçidən icazə almışdım.
- Artıq bir həftədən çoxdur komanda ilə birlikdə məşq edirsiniz. Klub sizə necə təsir bağışladı?
- Georgiyevskilə yaxşı tanış olduğumu bir az əvvəl qeyd etdim. Bundan başqa, Almaniyanın Bundesliqasında çıxış edən Aleksandr İaşvili də mənə tanış idi. Bilirsiniz, Almaniya çempionatı Avstriyada çox populyardır. Digərləri ilə isə burada tanış oldum. Baş məşqçimiz Kaxaber Sxadadze haqqında da çox eşitmişdim. O, yaxşı futbolçu idi və güclü klublarda çıxış etmişdi, hazırda o, məşqçilik fəaliyyəti ilə məşğuldur. Əminliklə deyə bilərəm ki, bizim yaxşı komandamız var. Düşünürəm ki, növbəti matçlarda biz lazımi nəticələri əldə edə biləcəyik.
- Bu mövsüm öz oyununuzdan nə gözləyirsiniz?
- Öncədən nə isə demək istəməzdim, ancaq ümid edirəm ki, komandaya fayda vermək mənə müyəssər olacaq. İstərdim ki, “İnter” mövsümü mükafatla başa vursun. Kimin qol vurması isə 2-ci dərəcəli məsələdir. Futbol komanda oyunudur, buna görə də hamımız birlikdə uğur qazanmağa can atmalıyıq.
- “İnter”in azarkeşlərinə nə qədər qol vuracağınıza vəd verə bilərsiniz?
- Bu, yenə də komanda oyunundan asılıdır. Hücumçu heç nədən qol yarada bilməz. Əgər komanda yaxşı oynayacaqsa, o zaman hücumçulara da asan olacaq, nəticədə daha çox qol vuracaqlar. “Mattersburq”da keçirdiyim səkkiz mövsüm ərzində mən altı dəfə çempionatın yekunlarına əsasən turnirin simvolik yığma komandasına düşmüşəm və Azərbaycan çempionatında da belə uğurla çıxış etməyimi istərdim.
- Azərbaycana gəlməzdən əvvəl uzun müddət Avstriyada çıxış etmisiniz...
- Bəli, futbol karyerama məhz Avstriyada başlamışam. 11 yaşımda Vyananın “Rapid” klubunda futbolla məşğul olmuşam. Peşəkar karyeram 16 yaşımda Avstriyanın 3-cü divizionunda çıxış etdiyim zaman başlamışdı. Bu klubda bir mövsüm keçirdim və turnirin ən yaxşı bombardiri oldum. 18 yaşımda Qrats şəhərində yerləşən QAK komandasına keçdim. Bu komandanın heyətində Avstriya çempionatının qalibi oldum. Həmin mövsüm biz həm də kuboku qazandıq, beləliklə də “qızıl dubl” etdik. QAK-ın heyətində iki mövsüm keçirdikdən sonra Türkiyənin “Malatyaspor” klubunda çıxış etməyə başladım. Bu komandaya tanınmış mütəxəssis Aykut Kocaman rəhbərlik edirdi. Etiraf edim ki, Malatyada yaşamaq mənim üçün çətin idi. Bəli, Türkiyə çempionatı yaxşı səviyyəsi ilə seçilirdi, amma mən tezliklə bu ölkəni tərk etdim. Türkiyədə təqribən yarım il keçirdim. Sonra İtaliyaya yollandım. Amma orada da gözlənilməz problemlərlə qarşılaşdım. Belə ki, mənim yeni klubum “Katanya” vaxtında transfer vərəqəmi almadı və bu isə o demək idi ki, mən rəsmi oyunlarda meydana çıxa bilməyəcəyəm. Buna görə də, məşq etmək və yoldaşlıq oyunlarında iştirak etməklə kifayətlənmək məcburiyyətində qaldım. Bundan sonra Avstriyaya qayıtmağa qərar verdim və növbəti səkkiz mövsüm “Mattersburq” klubunda çıxış etdim.
- Bəs “İnter”ə keçidiniz necə baş verdi?
- “İnter” tərəfindən mənə təklif göndərildi və təklifə razılıqla cavab verdim. Azərbaycana da belə gəldim. Etiraf edim ki, məhz bu komandaya qoşulmağıma şadam.
- Buraya gəlməzdən əvvəl klubumuz və ölkəmiz haqqında nə bilirdiniz?
- Səmimi deyirəm ki, “İnter” haqqında məlumatım vardı. Makedoniya millisində birlikdə çıxış etdiyimiz Slavço Georgiyevski klub barədə məlumatları mənimlə paylaşdı. O mənə dedi ki, “İnter” Azərbaycanın ən iddialı komandalarından biridir. Ölkəniz haqqındasa onu bilirdim ki, Azərbaycan əvvəllər SSRİ-nin tərkibində olub. Bilirdim ki, 2012-ci ildə Azərbaycanın paytaxtı Bakıda “Avroviziya” musiqi yarışması keçirilib. Bundan başqa, mənə məlumdur ki, yerli komandaya alman mütəxəssisi Berti Foqts rəhbərlik edir. “Neftçi” və “Qarabağ” kimi Azərbaycanın digər klubları haqqında da eşitmişdim.
- 2011-ci ildə Makedoniya milli komandası yoldaşlıq matçı keçirmək məqsədilə Azərbaycana gəlmişdi. Həmin oyunu xatırlayırsınız?
- Bəli, xatırlayıram. Lakin həmin oyunda iştirak edə bilmədim. Yadımdadır ki, bu oyunda iştirak etmək üçün mənə dəvət gəlmişdi, amma mən “Mattersburq”da keçirdiyim ağır mövsümdən sonra yorulmuşdum və istirahət üçün məşqçidən icazə almışdım.
- Artıq bir həftədən çoxdur komanda ilə birlikdə məşq edirsiniz. Klub sizə necə təsir bağışladı?
- Georgiyevskilə yaxşı tanış olduğumu bir az əvvəl qeyd etdim. Bundan başqa, Almaniyanın Bundesliqasında çıxış edən Aleksandr İaşvili də mənə tanış idi. Bilirsiniz, Almaniya çempionatı Avstriyada çox populyardır. Digərləri ilə isə burada tanış oldum. Baş məşqçimiz Kaxaber Sxadadze haqqında da çox eşitmişdim. O, yaxşı futbolçu idi və güclü klublarda çıxış etmişdi, hazırda o, məşqçilik fəaliyyəti ilə məşğuldur. Əminliklə deyə bilərəm ki, bizim yaxşı komandamız var. Düşünürəm ki, növbəti matçlarda biz lazımi nəticələri əldə edə biləcəyik.
- Bu mövsüm öz oyununuzdan nə gözləyirsiniz?
- Öncədən nə isə demək istəməzdim, ancaq ümid edirəm ki, komandaya fayda vermək mənə müyəssər olacaq. İstərdim ki, “İnter” mövsümü mükafatla başa vursun. Kimin qol vurması isə 2-ci dərəcəli məsələdir. Futbol komanda oyunudur, buna görə də hamımız birlikdə uğur qazanmağa can atmalıyıq.
- “İnter”in azarkeşlərinə nə qədər qol vuracağınıza vəd verə bilərsiniz?
- Bu, yenə də komanda oyunundan asılıdır. Hücumçu heç nədən qol yarada bilməz. Əgər komanda yaxşı oynayacaqsa, o zaman hücumçulara da asan olacaq, nəticədə daha çox qol vuracaqlar. “Mattersburq”da keçirdiyim səkkiz mövsüm ərzində mən altı dəfə çempionatın yekunlarına əsasən turnirin simvolik yığma komandasına düşmüşəm və Azərbaycan çempionatında da belə uğurla çıxış etməyimi istərdim.
Oxşar xəbərlər
Ana səhifə
Bütün xəbərlər