“Komandamız ilk yarıya yaxşı başlamadı. Böyük səhv etdik və nəticədə qapımızdan top buraxdıq”. Bu sözləri apasport.az saytına açıqlamasında “Simurq” klubunun futbolçusu Stepan Polyak deyib.

Zaqatala təmsilçisi Topaz Premyer Liqasının V turu çərçivəsində səfərdə “İnter”i məğlub etdi.

Qazanılan 2:1 hesablı qələbədən sonra xorvatiyalı yarımmüdafiəçi bildirib ki, rəqibin ikinci yarıda arxayınlaşması “Simurq”un xeyrinə olub: “İkinci hissədə daha yaxşı oynadıq. Vurduğumuz ilk qola qədər bizim də yaxşı şanslarımız vardı. Yaxşı ki, bundan yararlanıb 2 qol vurduq. Qalib gəldiyimiz üçün şadıq. İkinci hissədə rəqibdə bir az arxayınçılıq hiss olunurdu. Amma biz də yaxşı oynadıq. Rəqib qapısına tez-tez hücumlar təşkil etdik. Komandamızdakı oyunçu əvəzləmələri də çıxışımıza təsir etdi. Fikrimcə, çox çalışdıq və haqqımız olan 3 xal qazandıq. “Simurq” və “İnter”in qardaş komanda adlandırılmasını da düzgün hesab etmirəm. Bu, bir hekayədi”.

• “Barselona”nın futbolçusu İtaliya klubunda
• Leao addım-addım “Qalatasaray”a -
• Morata ölkəsinə qayıtdı
• Alvarez “Siti”yə qayıdır?
• Günün oyunları bu kanallarda - TV AFİŞA