“İnter” klubunun oyunlarında maraqlı tendensiya müşahidə olunur. Apasport.az saytının məlumatına görə, Topaz Premyer Liqasında yaranan ilk fasiləyə qədər paytaxt təmsilçisinin keçirdiyi 5 görüşün hamısında hesabı açan komanda uduzur.

Bu isə o deməkdir ki, “İnter”in oyunlarının hamısında əzmkar qələbə qeydə alınır. IV turun “Rəvan”la görüşdə sonuncular hesabı açmağına peşman olmuşdu. Digər 4 oyunda isə İnter“ ilk qolun müəllifi olmasına üzülüb. “Qəbələ”, “Qarabağ”, AZAL və bu dəfə “Simurq” “bankirlər”i hesabı açmağa məyus edib.

Növbəti - VI turda bakılılar son 3 mövsümün çempionu “Neftçi” ilə qarşılaşacaq. Arxada qalan görüşlərin statistikası belə deyir ki, həmin matçda ilk qolu vuran yenə uduzacaq. Yəni “İnter” ilk qolu vursa xalsız qalacaq, “Neftçi” hesabı açsa ardıcıl 2-ci dəfə yeniləcək.

5 avqust
“İnter” – “Qarabağ” - 1:2
Vaqif Cavadov, 7 - Marinaldo da Silva, 37; Corc Leroy, 57

11 avqust
“Qəbələ” – “İnter” - 3:2
Leonardo da Silva, 54 (p); Vladimir Levin, 70; İbrahima Niasse, 83 - Slavço Georgiyevski, 20; Vaqif Cavadov, 90+2

18 avqust
“İnter” – AZAL – 1:2
Ruslan Əmircanov, 30 – Viktor İqbekoyi, 42, 67

25 avqust
“Rəvan” – “İnter” - 1:5
Sebastyan Kastro-Tello, 12 - Brus Abdullaye, 18; Baçana Sxadadze, 30; 37; 43; Asif Məmmədov, 89

1 sentyabr (bazar)
“İnter” – “Simurq” - 1:2
İlqar Ələkbərov, 32 - Draqan Çeran, 78; Raul Kostin, 89

• “Barselona”nın futbolçusu İtaliya klubunda
• Leao addım-addım “Qalatasaray”a -
• Morata ölkəsinə qayıtdı
• Alvarez “Siti”yə qayıdır?
• Günün oyunları bu kanallarda - TV AFİŞA