“Xəzər Lənkəran”ın futbolçusu Adrian Skarlatakenin Topaz Premyer Liqasının III turunun “Qarabağ”la oyununda aldığı sarı vərəqə ləğv olunub. Apasport.az saytının məlumatına görə, AFFA-nın İntizam Komitəsi cənub təmsilçisinin müraciətinə baxandan sonra belə qərar verib.

“Ağ-yaşıllar” komitədən “Qarabağ”la matçın 60-cı dəqiqəsində müdafiəçiyə göstərilən sarı vərəqəyə etiraz etdiklərindən, bu epizoda yenidən baxılmasını xahiş etmişdilər. Matçın videoyazısını izlədikdə futbolçunun heç bir qayda pozuntusuna yol vermədiyi aşkar edilib. Bu səbəbdən Skarlatakeyə göstərilmiş sarı vərəqə ləğv olunub.

Qeyd edək ki, həmin görüşü idarə edən Rəhim Həsənov səhvlərinə görə qısa müddətə cəzalanmışdı.

• “Barselona”nın futbolçusu İtaliya klubunda
• Leao addım-addım “Qalatasaray”a -
• Morata ölkəsinə qayıtdı
• Alvarez “Siti”yə qayıdır?
• Günün oyunları bu kanallarda - TV AFİŞA