DÇ-2014-ün seçmə mərhələsi çərçivəsində səfərdə Şimali İrlandiya ilə qarşılaşacaq Portuqaliya millisi zədəli futbolçular səbəbindən əziyyət çəkir. Apasport.az-ın məlumatına görə, bu barədə yığmanın baş məşqçisi Paulu Bentu FİFA-nın rəsmi saytına açıqlamasında deyib.

Belə ki, qapıçı Beto və yarımmüdafiəçi Ruben Mikaeldən sonra komandanın kapitanı Kriştianu Ronaldo da zədələnib.

Bentu Ronaldonun oyuna kimi hazır olmaq üçün çox çalışdığını bildirib: “Ronaldonun bud nahiyəsində kiçik zədəsi var. Lakin onun Şimali İrlandiya ilə keçirəcəyimiz oyuna kimi hazır olmaq üçün əlindən gələni edəcəyinə əminəm. O həmişə milli komandaya kömək etmək üçün var gücü ilə çalışır. Bu oyunda da onu meydanda görmək istəyirik”.

Qeyd edək ki, Portuqaliya və Şimali İrlandiya milliləri arasındakı qarşılaşma sentyabrın 6-da keçiriləcək.

• Taliska “Samsunspor”la oyunu buraxacaq
• “Barselona”nın futbolçusu İtaliya klubunda
• Leao addım-addım “Qalatasaray”a -
• Morata ölkəsinə qayıtdı
• Alvarez “Siti”yə qayıdır?