Çexiya millisinin baş məşqçisi Mihal Bilek istefa verib. Apasport.az saytının məlumatına görə, buna DÇ-2014-ün seçmə mərhələsindəki uğursuz çıxış səbəb olub.

İtaliyaya 1:2 hesablı məğlubiyyətdən sonra istefa qərarını açıqlayan mütəxəssis addımını belə izah edib: “Biz final mərhələsinə yüksəlmək istəyirdik. Lakin istəyimiz gerçəkləşməyəcək. Çox məyusam. Dünya çempionatına çıxmaq vəzifəsinin öhdəsindən gələ bilmədiyim üçün istefa verirəm”.

Qeyd edək ki, Çexiya yığmasını Avro-2012-nin final mərhələsinə çıxaran Bilek yığmada 2009-cu ilin oktyabrında debüt edib. Mütəxəssisin bu postda ilk sınağı BƏƏ-də keçirilən beynəlxalq turnir olub. Yarımfinalda meydan sahibləri ilə qolsuz heç-heçə edib, penaltilər seriyasında uduzan Bilekin yetirmələri 3-cü yer uğrunda matçda Azərbaycan yığmasından 2 cavabsız qol buraxaraq sonuncu olmuşdu.

• Messi poker etdi, komandası qələbə qazandı
• Taliska “Samsunspor”la oyunu buraxacaq
• “Barselona”nın futbolçusu İtaliya klubunda
• Leao addım-addım “Qalatasaray”a -
• Morata ölkəsinə qayıtdı