“Rəvan” üstünlüyünü qoruya biləcəkmi?

26.09.2013 - 23:03

"Rəvan” Topaz Premyer Liqasının VIII turunda AZAL-la üz-üzə gələcək. Apasport.az saytının məlumatına görə, "Bayıl” stadionunda keçiriləcək hesabat turunun son oyunu ərəfəsində statisitiklər ev sahibi komandanın öndə olduğunu göstərir.

Belə ki, bazar günü baş tutacaq görüşə qədər komandalar 8 dəfə üz-üzə gəlib. 9-cu paytaxt derbisinə Vladislav Qədirovun yetirmələri üstün durumda çıxacaq. "Rəvan”ın hesabında 4, AZAL-ın isə 3 qələbəsi var. Elə topların nisbətində də “aslanlar” öndədir – 15:14.

Onu da qeyd edək ki, “Rəvan” bu rəqiblə bütün oyunlarda qol qol vurmağa müvəffəq olub. AZAL ilə 4 ev oyununun 3-də qalib gələn komandanın yeganə yenilgisi ötən mövsüm ikinci "altılığ”ın oyununa təsadüf edib.

Komandalar arasında ölkə çempionatında baş tutan oyunların göstəricisi aşağıdakı kimidir:

22.10.2011 AZAL - Rəvan 1:2
20.12.2011 Rəvan - AZAL 3:1
18.03.2012 Rəvan - AZAL 2:0
14.04.2012 AZAL - Rəvan 1:1
11.08.2012 AZAL - Rəvan 3:1
19.11.2012 Rəvan - AZAL 1:0
19.04.2013 AZAL - Rəvan 3:2
14.05.2013 Rəvan - AZAL 3:5

Mənbə: revanfc.az