Sabah futzal üzrə UEFA kubokunda əsas mərhələyə start veriləcək. Apasport.az saytının məlumatına görə, Avropanın 24 klubu 6 qrupda mübarizəyə qoşulacaq.

Son illərin dəyişməz Azərbaycan çempionu “Araz” da növbəti dəfə elit-raunda vəsiqə uğrunda yarışacaq.

Təmsilçimiz Rumıniyada mübarizə aparacaq VI qrupda qüvvəsini sınayacaq. Belçika çempionu “Şatelino”, Rumıniyanın ən güclüsü “Tırqu Mureş” və Yunanıstan təmsilçisi “Atina-90” klubları ilə görüşəcək “Araz” mərhələ adlamaq üçün ilk 2 yerdən birini tutmalıdır.

Qrupun əsas favoriti olan təmsilçimiz ilk görüşündə yunanlarla qarşılaşacaq. Joze Alesio da Silvanın yetirmələri növbəti matçında Belçika çempionu, son turda isə meydan sahibləri ilə qüvvəsini sınayacaq.

2 oktyabr

19:00. “Araz” (Azərbaycan) – “Atina-90” (Yunanıstan)
21:30. “Tırqu Mureş” (Rumıniya) – “Şateliino” (Belçika)

4 oktyabr
19:00. “Şatelino” – “Araz”
21:30. “Tırqu Mureş” – “Atina-90”

7 oktyabr
19:00. “Atina-90” – “Şatelino”
21:30. “Araz” – “Tırqu Mureş”

Qeyd edək ki, qarşılaşmalar “Tırqu Mureş” İdman kompleksinə keçiriləcək.

• Günün oyunları bu kanallarda - TV AFİŞA
• Messi poker etdi, komandası qələbə qazandı
• Taliska “Samsunspor”la oyunu buraxacaq
• “Barselona”nın futbolçusu İtaliya klubunda
• Leao addım-addım “Qalatasaray”a -