“Rəvan” – “Xəzər Lənkəran”: Statistika nə deyir?

02.10.2013 - 16:14

"Rəvan” Topaz Premyer Liqasının IX turunda "Xəzər Lənkəran” ilə üz-üzə gələcək. Apasport.az saytının məlumatına görə, "Bayıl Arena”da keçiriləcək ilk dövrədəki son oyun ərəfəsində statistikaya diqqət yetirmək maraqlı olardı.

Oktyabrın 4-də baş tutacaq oyuna qədər komandalar Premyer Liqada 6 dəfə üz-üzə gəlib. İlk 3 qarşılaşmada tərəflər hərəyə 1 qol vuraraq 1 xal qazanıb. Amma çempionatdakı son 3 dueldə "sülh” olmayıb. Belə ki, əvvəlcə "Xəzər Lənkəran”, ardından isə 2 dəfə "Rəvan” qələbəyə sevinib. Maraqlıdır ki, komandalar indiyədək hərəyə yalnız 1 dəfə rəqib qapısına yol tapa bilməyib.

Komandalar arasında ölkə çempionatında baş tutan oyunları diqqətinizə çatdırırıq:

27.08.2011 “Rəvan” – “Xəzər Lənkəran” 1:1
19.11.2011 “Xəzər Lənkəran” – “Rəvan” 1:1
05.08.2012 “Rəvan” – “Xəzər Lənkəran” 1:1
04.11.2012 “Xəzər Lənkəran” – “Rəvan” 4:0
12.03.2013 “Rəvan” – “Xəzər Lənkəran” 1:0
20.05.2013 “Xəzər Lənkəran” – “Rəvan” 1:2