"Qəbələ"nin 15 yaşadək futbolçulardan ibarət komandası "Artek" Uşaq İstirahət Mərkəzində keçirilən Ukrayna Prezidenti Kubokunu dördüncü yerdə tamamlayıb. Apasport.az klubun rəsmi saytına istinadən xəbər verir ki, qrup mərhələsini uğurla ilk pillədə adlayan "qırmızı-qaralar" yarımfinalda yerli "Karpatı" ilə üz-üzə gəliblər.

Bərabər mübarizə şəraitində keçən matçın əsas vaxtı 1:1 hesabı ilə tamamlanıb. Qalibi müəyyənləşdirmək üçün komandalar penalti duelində qarşılaşıb. 11 metrlik zərbələri daha dəqiq yerinə yetirən ukraynalılar 5:4 hesabı ilə qalib gəlib və finala vəsiqə qazanıblar.

Növbəti oyunda "Qəbələ" 3-cü yer uğrunda matçda "Şaxtyor"la üz-üzə gəlib. Oyun Donetsk təmsilçisinin qələbəsi ilə yekunlaşıb - 7:1.

Beləliklə, "Qəbələ" ilk dəfə iştirak etdiyi Ukrayna Prezidenti Kubokunu 4-cü yerdə tamamlayıb. Çempion isə “Qəbələ”nin finala adlamağına imkan verməyən “Karpatı” olub. Lvov təmsilçisi “Çernomorets”i 2:0 məğlub edib.

• Günün oyunları bu kanallarda - TV AFİŞA
• Messi poker etdi, komandası qələbə qazandı
• Taliska “Samsunspor”la oyunu buraxacaq
• “Barselona”nın futbolçusu İtaliya klubunda
• Leao addım-addım “Qalatasaray”a -