“Xəzər Lənkəran” və “Qarabağ” nümunəsi

07.10.2013 - 15:03

Topaz Premyer Liqasının I dövrəsində hakimlər 16-sı qırmızı olmaqla, 245 vərəqə göstərib. Apasport.az saytının məlumatına görə, çempionatın ən intizamsız komandası “Sumqayıt”dır.

Autsayder rekord sayda – 4 qırmızı vərəqə ilə cəzalanıb. 2 dəfə qırmızı ilə cəzalanan “Rəvan”ın hesabında isə ümumilikdə 31 vərəqə var.

Premyer Liqanın ən nümunəvi komandaları isə “Xəzər Lənkəran”la “Qarabağ”dır. Yalnız bu 2 klub hələlik qırmızı vərəqə görməyib. Onlar həm də ən az – hərəyə 15 sarı vərəqə alıb.

klub	Vərəqə	qırmızı
Rəvan	31	2
AZAL	30	1
İnter	29	1
Sumqayıt	29	4
Neftçi	28	2
Simurq	27	2
Bakı	21	2
Qəbələ	20	2
Qarabağ	15	0
Xəzər Lənkəran	15	0
	245	16

Ayrı-ayrı futbolçulara gəlincə, 2 dəfə meydandan qovulan futbolçu olmayıb. 16 qırmızı vərəqəni müxtəlif futbolçular alıb. “Qırmızı”ya düşənlərdən Miloş Adamoviç (Rəvan) daha 3 sarı alıb. Bruno Bertuççi (Neftçi) və Amit Quluzadədə (Qəbələ) isə bu rəqəm 2-yə bərabərdir. Onların hər üçü qırmızını 2-ci sarıya görə alıb.

Meydandan qovulmayanların öz rekordçuları bar. Aleksandr Şemonayev (AZAL) və Erik Ramos (Neftçi) 9 turda 5 dəfə xəbərdarlıq alıb. Bu cütlükdən başqa daha 5 futbolçu 4-cü sarı almaqla, 1 oyunluq cəzaya layiq görülüb. Bunlar Baçana Sxadadze və Brüs Abdullaye (hər ikisi “İnter”), Lorenzo Ebesilio (Qəbələ), Ruslan Poladov (Simurq), Slavik Alxasovdur (Sumqayıt).