“İnter” milli komandaların seçmə oyunları ilə əlaqədar yaranmış fasilədən maksimum yararlanmağa çalışacaq. Apasport.az saytının əldə etdiyi məlumata görə, “bankirlər” bu gün Gürcüstanın paytaxtı Tbilisiyə yola düşəcək.

Komanda qonşu ölkədə 1 həftə təlim-məşq toplanışı keçəcək. Həmin müddətdə Kaxaber Sxadadzenin yetirmələri Tbilisinin “Bomond Garden” otelində məskunlaşacaq. Toplanış ərzində “ağ-göylər”in Gürcüstanın elita klublarından biri ilə gücünü sınaması nəzərdə tutulub. Ancaq hələlik həmin komandanın adı bilinmir.

Qeyd edək ki, bu toplanış “İnter”in oktyabrın 19-da “Qəbələ” ilə keçirəcəyi görüşə hazırlıq xarakteri daşıyır. Həmin qarşılaşma “Şəfa” stadionunda keçiriləcək.

• Günün oyunları bu kanallarda - TV AFİŞA
• Messi poker etdi, komandası qələbə qazandı
• Taliska “Samsunspor”la oyunu buraxacaq
• “Barselona”nın futbolçusu İtaliya klubunda
• Leao addım-addım “Qalatasaray”a -