19 yaşadək futbolçulardan ibarət Azərbaycan millisinin Avropa çempionatının seçmə mərhələsində keçirəcəyi ilk oyunun hakimi müəyyənləşib. Apasport.az saytının məlumatına görə, sabah İsveçdə İrlandiyaya qarşı keçiriləcək görüş sloveniyalı Slavko Vinçiçə tapşırılıb.

Vinçiç cəmi 3 ay əvvəl digər Azərbaycan komandası – “Xəzər Lənkəran”ın görüşündə fit çalmışdı. Sloveniyalı referi təmsilçimizin Avropa Liqasının II təsnifat mərhələsində İsrail “Makkabi”si ilə Hayfadakı görüşünü idarə etmişdi.

Həmin matçda meydan sahibləri 2 cavabsız qola qalib gəlmişdi. 34 yaşlı FİFA hakimi 2010-cu ildən bu statusu daşıyır. Vinçiç UEFA-nın 2-ci kateqoriyasına daxildir.

• Günün oyunları bu kanallarda - TV AFİŞA
• Messi poker etdi, komandası qələbə qazandı
• Taliska “Samsunspor”la oyunu buraxacaq
• “Barselona”nın futbolçusu İtaliya klubunda
• Leao addım-addım “Qalatasaray”a -