Sabah Norveçlə keçiriləcək oyun 21 yaşadək futbolçulardan ibarət Azərbaycan millisi üçün yubileylə əlamətdar olacaq. Apasport.az saytının məlumatına görə, U-21 öz tarixində 75-ci seçmə oyununa çıxacaq.

Avropa çempionatlarının seçmə mərhələlərində 1994-cü ildə debüt edən komandamız 19 ildə qatıldığı turnirlərdə 74 görüş keçirib.

Bunların 7-də qalib gələn, 13-də heç-heçə edə və 56 dəfə uduzan komandamız 37 qol vurub və 183-nü buraxıb. Nəticəsi ləğv olunan və texniki məğlubiyyətimizlə bitən 2 qarşılaşma top fərqinə salınmayıb.

Avro-2015-in sabahkı seçmə oyununda komandaya rəhbərlik edəcək almaniyalı baş məşqçi Bernard Lippert isə artıq 22-ci dəfə millimizi sınağa çıxaracaq. Əvvəlki 21 görüşdə 3 qələbə və 5 heç-heçəsi olan futbolçularımız 13 dəfə uduzub. Təmsilçilərimizin vurduğu 18 qola rəqibləri 48-i ilə cavab verib.

• Günün oyunları bu kanallarda - TV AFİŞA
• Messi poker etdi, komandası qələbə qazandı
• Taliska “Samsunspor”la oyunu buraxacaq
• “Barselona”nın futbolçusu İtaliya klubunda
• Leao addım-addım “Qalatasaray”a -