FİFA noyabrda keçiriləcək yoxlama oyunlarının reytinqə nə dərəcədə təsir edəcəyini açıqlayıb. Apasport.az saytının məlumatına görə, Azərbaycan milli komandasının Estoniya və Qırğızıstanla səfərdə keçirəcəyi matçların da dəyəri bəlli olub.

Hər 2 rəqib zəif komanda olduğundan, üstəlik matçlar yoxlama xarakteri daşıdığından bu görüşlər heç də xeyrimizə olmayacaq. Hətta sonuncu rəqibimizin Asiya təmsilçisi olması da ziyanımızadır.

Bütün bunların nəticəsində Estoniya ilə noyabrın 15-dəki görüşdə qələbə 303, heç-heçə 101 xala bərabər olacaq. Asiya təmsilçisi ilə 4 gün sonrakı qarşılaşmada isə bu rəqəmlər müvafiq olaraq 139 və 46,5-ə bərabərdir. Bu rəqəmlər isə ümumi reytinqə təsir edəcək.

Hazırda 407 xalla planetin 88-cisi olacaq Berti Foqtsun yetirmələri 2 qələbə qazansa belə, geriləmək təhlükəsi ilə üzləşəcək. Çünki 2 qələbə birlikdə 407-yə bərabər olan xalımızı 399-a qədər azaldacaq. Nəticədə hardasa 2 pillə geriləməyimiz gözlənilir. Çünki hazırki siyahıda 399 xal yalnız 90-ci yer üçün yetərlidir. Düzdür, FİFA reytinqindəki qonşularımızın da xal itirməsi işimizə yaraya bilər. 2 qələbənin xalımızın azalmasına səbəb olacağı halda digər nəticələrin daha acınacaqlı olması qaçılmazıdır.

Estoniya – Azərbaycan	Qırğızıstan – Azərbaycan	xal	Təxmini yer
2	2	399	90
2	X	391	92
2	1	386	92
X	2	381	92
X	X	372	96
X	1	368	97
1	2	371	96
1	X	363	98
1	1	359	98

• “Tottenhem”dən antirekord - 52 ildən sonra ilk dəfə
• Günün oyunları bu kanallarda - TV AFİŞA
• Messi poker etdi, komandası qələbə qazandı
• Taliska “Samsunspor”la oyunu buraxacaq
• “Barselona”nın futbolçusu İtaliya klubunda