“Sumqayıt” qələbə həsrətinə son qoyub.

Apasport.az saytının məlumatına görə, Aleksey Baqanın yetirmələri Premyer Liqanın XXVI turunda qalib gəlib.

“Gənclik şəhəri” təmsilçisi öz meydanında “Şamaxı”nı yenib – 2:0. Bununla da 15 matçlıq qələbəsizlik başa çatıb.

Sumqayıtın eyniadlı təmsilçisi sonuncu dəfə ötən il qalib gəlib. Oktyabrın 31-də evdə “Səbail”i 2:0 hesabı ilə məğlub edən komanda 190 gündən sonra qələbə qazanıb. Bu müddətdə “Sumqayıt” nəinki 15 çempionat qarşılaşmasında heç kubokdakı 2 sınaqda da qələbə görməyib.

Bu, həm də Aleksey Baqanın Azərbaycanda ilk uğurudur. Qış fasiləsində Ayxan Abbasovu əvəzləyən belaruslu əvvəlki 10 çempionat və 2 kubok görüşündə görmədiyini 13-cü - nəhs matçında bayram edib.

• “Torino” türkiyəli futbolçu ilə bağlı qərarını verdi - RƏSMİ
• Alisson "Liverpul"dan ayrılacaq?
• "Sevilya"da qapıçı ayrılığı
• Rüdiger qərarını verdi: "REAL" ÜÇÜN VACİB ANLAŞMA
• "Fənərbaxça" baş məşqçi axtarışında: ŞƏRTLƏR UYĞUN OLARSA...