İspaniya La Liqasının XXIII turunda “Alaves”i qəbul edən “Barselona” 5:1 hesablı qələbə qazanıb.

Apasport.az saytının məlumatına görə, oyun Kataloniya klubunun kapitanı Lionel Messi üçün əlamətdar olub.

Matçda dubl edən argentinalı superulduz hər iki qola cərimə meydanı kənarından imza atıb. Bununla Leo La Liqada uzaq məsafədən vurduğu qolların sayını 66-ya çatdırıb. O, bu müddət ərzində çempionatda iştirak edən 31 komandanı qabaqlayıb. Messi yalnız “Real” (112 qol) və “Atletiko”dan (76) geri qalır.

Qeyd edək ki, “Alaves”lə qarşılaşmada La Liqada 505-ci oyununu keçirən Messi bu baxımdan sabiq komanda yoldaşı Xavi Ernandesin rekorduna şərik olub.

• Türkiyə futbolunda mərc skandalı - “Trabzonspor”un prezidenti də siyahıda
• “Roma” Messinin vida matçına iki futbolçusunu buraxmadı
• “Tottenhem” və “Aston Villa” 20 yaşlı argentinalının izində
• “Qalatasaray” milli fasilədə yoxlama matçı keçirəcək
• De Xea “Mançester Siti”yə yenə söz atdı: “Deməli, yenidən danışırıq...”