“Çelsi” Premyer Liqa rəhbərliyinə yeni təklif göndərib.

Apasport.az saytının məlumatına görə, London təmsilçisi oyunlar zamanı 9 əvəzləməyə icazə verilməsini istəyir.

“Zadəganlar” hesab edir ki, koronavirus pandemiyası səbəbindən dayandırılan Premyer Liqanın bərpasından sonra futbolçuların zədələnmə riski çoxdur və bunun qarşısını almaq üçün daha çox dəyişikliyə ehtiyac var. Rəhbərlik eyni zamanda oyunçuların koronavirus infeksiyasına yoluxma təhlükəsinin davam etməsindən də narahatdır.

Qeyd edək ki, Beynəlxalq Futbol Assosiasiyaları Şurasının (İFAB) qərarına əsasən oyunlar zamanı 5 dəyişiklikdən istifadə olunacaq. İngiltərə Premyer Liqasının isə iyunun 17-də bərpa olunması planlaşdırılır.
 

• Teo Hernandez “Əl-Hilal”da
• "Fənərbaxça" lotereya qazandı: Transfer qiyməti ilə tarixə düşəcək
• Orkun Kökçü İstanbula gələcək
• İngiltərə millisinin üzvü "Ayaks"ı tərk edib
• Ceko rəsmən "Fiorentina"da