Karlo Ançelotti Çempionlar Liqasında yeni rekorda imza atıb.

Apasport.az saytının məlumatına görə, “Real”ın baş məşqçisi karyerası ərzində 5-ci dəfə komandasını finala çıxarıb.

Bununla da Ançelotti həmyerlisi Marçelo Lippinin rekordunu arxada qoyub. 62 yaşlı mütəxəssisin yetirmələri yarımfinalda “Mançester Siti”ni mübarizədən kənarlaşdırıb – 3:4, 3:1.

Ançelotti 2003-cü, 2005-ci, 2007-ci illərdə “Milan”, 2014-cü ildə “Real”la finala yüksəlib. Turnirin üçqat qalibi olan mütəxəssis yalnız 2005-ci ildə finalda “Liverpul”a penaltilərlə uduzub. 2 il sonra eyni rəqibdən revanş alınıb.

Qeyd edək ki, “Real” mayın 28-də Parisdə keçiriləcək finalda “Liverpul”la qarşılaşacaq.

• 38 yaşlı baş məşqçi “Panatinaikos”da - RƏSMİ
• Modriç “Milan”dan ayrıla bilər
• “Roma”dan 25 milyonluq transfer - RƏSMİ
• “Torino” türkiyəli futbolçu ilə bağlı qərarını verdi - RƏSMİ
• Alisson "Liverpul"dan ayrılacaq?