Avropanın daha bir ölkəsində futbol üzrə çempionatın qalibi müəyyənləşib.

Apasport.az saytının məlumatına görə, Praqanın “Slaviya” klubu Çexiya çempionu adını təmin edib.

Bu, ikinci mərhələnin II turunda reallaşıb. Plzen “Viktoriya”sını 1:0 hesabı ilə məğlub edən paytaxt təmsilçisi 32 oyundan sonra xal hesabını 78-ə çatdırıb. Yindrjix Trpişovskinin yetirmələri sona üç tur qalmış “Viktoriya”nı 9 xal qabaqlayırlar. Plzenlilər liderə çatmaq imkanına malik olsa da, şəxsi oyunlardakı üstünlük “Slaviya”nın çempionluğu üçün yetərlidir.

Qeyd edək ki, ardıcıl ikinci çempionluğunu qazanan praqalılar 22 dəfə Çexoslovakiya, 6 dəfə Çexiyada ən yaxşı olub.
 

• Arda Turan "Beşiktaş"a keçidi ilə bağlı: “Həmişə Qalatasaray”lı olduğumu söyləmişəm”
• Duşan Tadiç: "Kişi kimi məsuliyyəti boynumuza götürməliyik"
• “Ankaragücü” baş məşqçisi ilə yollarını ayırıb
• “Sent-Etyen”in baş məşqçisi bəlli olub
• Türkiyə Kubokunda püşk atıldı - "Fənərbaxça"nın adı var, amma...