Argentinadan 1 qollu səfər qələbəsi

13.11.2021 - 10:07

DÇ-2022-nin Cənubi Amerika zonası üzrə seçmə mərhələsində XIII tura yekun vurulub.

Apasport.az saytının məlumatına görə, son gündə bir oyun keçirilib.

Uruqvayla Argentina arasında baş tutan matçın taleyini 1 qol həll edib. Anxel Di Mariyanın 7-ci dəqiqədə vurduğu yeganə top argentinalılara səfər qələbəsi qazandırıb. Bu, “tanqoçular”ın 28 xalla 2-ci pillədəki mövqeyini möhkəmlətməsi ilə nəticələnib. Uruqvay isə 16 xalla 6-cı yerdə qalıb.

Seçmə mərhələdə XIV turun oyunları noyabrın 16-da keçiriləcək.

Qeyd edək ki, bir gün əvvəl Kolumbiyanı 1:0 hesabı ilə üstələyən lider Braziliya dünya çempionatının final mərhələsinə vəsiqəni təmin edib.