Baş məşqçi Frenki de Yonqun gedəcəyini istisna etmədi

14.05.2022 - 22:24

“Barselona”nın baş məşqçisi Xavi yarımmüdafiəçi Frenki de Yonqun durumuna aydınlıq gətirib.

Apasport.az saytının məlumatına görə, gənc mütəxəssis niderlandlı orta sahə oyunçusunun mövsümün sonunda kataloniyalılarla vidalaşacağını istisna etməyib.

O, klubun maliyyə durumunun məsələdə əsas söz sahibi olacağını söyləyib: “Frenki bizim üçün vacib oyunçudur. O, mənim dönəmimdə, demək olar ki, daim əsas heyətdə meydana çıxır. Lakin klubun iqtisadi durumundan çox şey asılıdır. De Yonq uzun illər “Barselona”nın aparıcı simalarından biri ola bilər. Amma işlərin necə gedəcəyini görəcəyik”.

Qeyd edək ki, Frenki de Yonqun 75 milyon avroya “Mançester Yunayted”ə transfer edilməsi gözlənilir.