Benzema Ronaldoya çatdı, Puşkaşa yaxınlaşdı

05.05.2022 - 09:10

Çempionlar Liqasının (ÇL) yarımfinal mərhələsinin cavab oyununda “Mançester Siti” üzərində 3:1 hesablı qələbə qazanan “Real” finala yüksəlib.

Apasport.az saytının məlumatına görə, qarşılaşmada son nöqtəni qoyan “kral klubu”nun hücumçusu Kərim Benzema rekorda bir addım da yaxınlaşıb.

Cari mövsüm pley-off mərhələlərində qollarının sayını 10-a çatdıran fransalı ulduz futbolçu sabiq komanda yoldaşı Kriştiano Ronaldonun göstəricisini təkrarlayıb. Portuqaliyalı 2016/17 mövsümündə məhz “Real”ın heyətində bu uğura nail olub.

İndi Benzemanı tarixi rekorddan 2 top ayırır. O, final matçında daha iki dəfə fərqlənsə, “Real”ın digər əfsanəsi Ferens Puşkaşın rekordunu təkrarlayacaq. Maraqlıdır ki, siyahıda ilk “4-lük”dəki oyunçuların hamısı “Real”da bu uğura imza atıb. Alfredo Di Stefano da bir mövsümdə 1/8-dən finala qədər 10 dəfə rəqibləri məyus edib.

Yer	Futbolçu	Ölkəsi	Klubu	Mövsüm	Qol	1/8	1/4	1/2	Final
1	Ferens Puşkaş	İspaniya	Real	1959-60	12	4	1	3	4
2	Alfredo di Stefano	İspaniya	Real	1957-58	10	2	4	3	1
	Kriştiano Ronaldo	Portuqaliya	Real	2016-17	10		5	3	2
	Kərim Benzema	Fransa	Real	2021-22	10	3	4	3	?
5	Miloş Milutinoviç	Yuqoslaviya	Partizan	1955-56	8	6	2
	Alfredo di Stefano	İspaniya	Real	1959-60	8	2	1	2	3
	Xose Aquas	Portuqaliya	Benfika	1960-61	8	2	3	2	1
	Herd Müller	Almaniya	Bavariya	1972-73	8	7	1
	Lionel Messi	Argentina	Barselona	2011-12	8	6	2
	Kriştiano Ronaldo	Portuqaliya	Real	2013-14	8	4	1	2	1