İngiltərə çempionatları tarixinin bir təqvim ilində ən çox qələbə qazanan komandaların adları açıqlanıb.
Apasport.az saytının məlumatına görə, Premyer Liqanın XVIII turunda “Nuyukasl”ı səfərdə məğlub edən “Mançester Siti” il ərzində 34-cü qalibiyyətini qazanaraq, 39 illik rekordu yeniləyib.
“Şəhərlilər”in bu göstəricini yaxşılaşdırmaq üçün ilin son günlərində daha iki oyunu olacaq.
1. “Mançester Siti” - 34 qələbə (2021-ci il)
“Şəhərlilər” il ərzində Premyer Liqa matçlarının 34-dən qalib ayrılıb. Bununla İngiltərə çempionatları tarixində yeni rekorda imza atan Pep Qvardiolanın yetirmələri ötən mövsüm olduğu kimi, cari mövsüm də çempionluğa doğru irəliləyir.
2. “Liverpul” - 33 (1982)
“Liverpul” düz 39 il bu rekordu əlində saxlayıb. “Qırmızılar” 1981/82 mövsümündən etibarən ardıcıl üç il mövsüm çempion olub.
3. “Çelsi” - 32 (2005)
“Çelsi” Joze Mourinyonun rəhbərliyi altında həmin dönəm ardıcıl 2 dəfə çempionluğu bayram edib.
4-7. “Liverpul” - 31 (2019)
2019-cu ildə 31 dəfə meydanı qalib tərk edən “Liverpul” 2019/20 mövsümünü çempion kimi başa vurub.
“Mançester Yunayted” - 31 (2009)
“Qırmızı şeytanlar” da bir təqvim ilində 31 qələbə qazanıb. Komandanın bu parlaq çıxışı 2008/09 mövsümündə çempionluğu gətirib.
“Mançester Yunayted” - 31 (1993)
“Mançester Yunayted” eyni uğuru ilk dəfə 1993-cü ildə qazanıb. Komanda həm 1992/93, həm də 1993/94 mövsümünü zirvədə tamamlayıb. Bununla “Mançester Yunayted” liqanın Premyer Liqa adı altında keçirilən ilk iki mövsümünün qalibi olub.
“Tottenhem” - 31 (1960)
London təmsilçisi 1960-cı ildə 31 qələbə sayəsində tarixində ikinci dəfə çempionluq əldə edib.
Oxşar xəbərlər
Ana səhifə
Bütün xəbərlər