Hames Rodrigesə Türkiyədən təklif

28.04.2022 - 21:43

Mövsümün əvvəlində Qətər klubu “Əl-Rayyan”la 2 illik müqavilə imzalayan Hames Rodriges Asiya ölkəsində çox qalmaq fikrində deyil.

Apasport.az saytının məlumatına görə, 30 yaşlı yarımmüdafiəçi Avropaya qayıtmaq qərarına gəlib.

Kolumbiya millisinin üzvü bu barədə meneceri Jorje Mendeşi məlumatlandırıb. “Əl-Rayyan”da illik maaşı 12 milyon avro olan futbolçu məvacibində ciddi şəkildə endirimə getməyə də razıdır. Mendeşin danışıq apardığı klublar arasında Türkiyə təmsilçiləri olduğu da bildirilib.

Qeyd edək ki, Hames Rodriges bu mövsüm 15 oyunda 5 qol vurub, 6 assist edib.