Neymar Argentina ilə oyunu buraxacaq

16.11.2021 - 00:57

Braziliya yığması ciddi itki ilə üzləşib.

Apasport.az saytının məlumatına görə, hücumçu Neymar sıradan çıxıb.

Ulduz futbolçu əzələsindən zədə alıb. 29 yaşlı forvard DÇ-2022-nin seçmə mərhələsində Argentinaya qarşı keçiriləcək oyunu buraxmalı olacaq. “Sambaçılar” dünya çempionatına vəsiqəni təmin etdiyindən, komandanın tibbi heyəti hücumçunun sağlamlığını riskə atmamaq qərarına gəlib.

Qeyd edək ki, noyabrın 17-də keçiriləcək Argentina – Braziliya oyunu Bakı vaxtı ilə saat 03:30-da başlayacaq.