Türkiyənin “Dənizlispor” klubunun baş məşqçisi Robert Prosineçkinin taleyinə aydınlıq gəlib.

Apasport.az saytının məlumatına görə, Super Liqa təmsilçisinin prezidenti Ali Çətin mövsümə uğursuz starta baxmayaraq, xorvatiyalı mütəxəssisə güvəndiklərini açıqlayıb.

O, Prosineçkinin istefaya göndəriləcəyi ilə bağlı yayılan xəbərlərin əsassız olduğunu söyləyib: “Baş məşqçimizlə yolumuza davam edirik. Milli komandaların oyunları ilə əlaqədar yaranmış fasilədən sonra yüksəlişə keçəcəyimizə inanırıq”.

“Dənizlispor” cari mövsüm Super Liqada keçirdiyi 7 oyunun cəmi 1-də qələbə qazanıb, 2-də heç-heçə edib, 4 görüşdə isə məğlub olub.

Qeyd edək ki, Robert Prosineçki 2014-2017-ci illərdə Azərbaycan millisinin çalışdırıb.

• “Fənərbaxça”nın futbolçusu evinin qarət olunması ilə bağlı xəbərlərə münasibət bildirib
• "Tottenhem" oyunçularına medal çatmadı, UEFA üzr istədi - VİDEO
• “Qalatasaray” millinin üzvü ilə müqavilə yeniləyəcək
• Enzonu ver, Rodriqonu al: "Real"dan "Çelsi"yə barter təklifi
• "Qalatasaray"da ayrılıq