Qurbaninin 261 günlük həsrəti bitdi
09.05.2022 - 19:33
Azərbaycan millisinin və “Sumqayıt”ın hücumçusu Əli Qurbani qol həsrətinə son qoyub.
Apasport.az saytının məlumatına görə, milliləşən iranlı futbolçu Premyer Liqanın XXVI turunun “Şamaxı” ilə matçında hesabı açıb.
O, 78-ci dəqiqədə isə dubl edərək, görüşün hesabını müəyyənləşdirib – 2:0.
Qurbani sonuncu dəfə 2021-ci il avqustun 21-də qol vurub. Həmin vaxt hücumçu “Sabah”ın qapısına yol tapıb. Sumqayıtlılar həmin ev oyununda da 2:0 hesabı ilə qələbə qazanıb.
Əli 261 gündən sonra fərqlənib. Bununla o, mövsümdə 3-cü topu rəqib qapısından keçirib.
Qeyd edək ki, Qurbani cari mövsüm Premyer Liqada 20-ci matçını keçirib.
Oxşar xəbərlər
Ana səhifə
Bütün xəbərlər