Kriştiano Ronaldo 16 ildən sonra ilk dəfə mövsümü titulsuz tamamlayacaq.

Apasport.az saytının məlumatına görə, portuqaliyalı superulduzun formasını geyindiyi “Mançester Yunayted” Çempionlar Liqasında da mübarizəni dayandırıb.

1/8 final mərhələsində “Atletiko” ilə qarşılaşan “qırmızı şeytanlar” iki oyunun cəmində 1:2 (1:1, 0:1) məğlub olaraq, avrokuboklarla vidalaşıb. Bununla “mankunianlar” cari mövsüm bütün turnirlərdən kənarlaşdırılıb.

Komanda yalnız İngiltərə Premyer Liqasında çıxış edir ki, orada da çempionluq şansı, demək olar ki, qalmayıb.

Qeyd edək ki, Premyer Liqada 29 turdan sonra aktivində 50 xal olan “Mançester Yunayted” lider “Mançester Siti”dən 20 xal geri qalır.
 

• Dadaşov oynamadı, komandası növbəti tura yüksəldi
• “Mançester Yunayted” yeni baş məşqçi ilə anlaşıb
• “Qızıl top”un sahibi: "Bir gün vətənə qayıdıb, orada yenidən oynaya biləcəm"
• Mario Balotelli İtaliya klubunda - Rəsmi
• Rodri Ronaldodan sonra ikinci oldu