Qətərdə keçiriləcək dünya çempionatının 19 iştirakçısı dəqiqləşib.

Apasport.az saytının məlumatına görə, onlardan 16-sı dörd il əvvəlki mundialın iştirakçılarıdır.

Rusiya-2018-də çıxış edən komandaların düz yarısı Qətərdə də oynamaq hüququ əldə edib. Yalnız üç komanda şimal qonşularımızın qəbul etdiyi yarışda olmasa da, Asiyaya yollanacağını rəsmiləşdirib.

Bunlardan biri debüt, ikisi qayıdışı gerçəkləşdirib. Meydan sahibi Qətər tarixində ilk dəfə final mərhələsində oynayacaq.

Niderlandla Ekvador isə mundiala qayıdacaq. Hər iki yığma DÇ-2014-dən sonra bir yarışı buraxmalı olub.

Qətərin meydan sahibi kimi yüksəldiyi mundiala Avropadan Almaniya, Danimarka, Fransa, Belçika, Xorvatiya, İspaniya, Serbiya, İngiltərə, İsveçrə, Niderland, Cənubi Amerikadan Braziliya, Argentina, Uruqvay, Ekvador, Asiyadan İran, Cənubi Koreya, Yaponiya, Səudiyyə Ərəbistanı dördilliyin ən mötəbər yarışına yüksəlib.

Qeyd edək ki, dünya çempionatı noyabrın 21-dən dekabrın 18-dək keçiriləcək.
 

• Dadaşov oynamadı, komandası növbəti tura yüksəldi
• “Mançester Yunayted” yeni baş məşqçi ilə anlaşıb
• “Qızıl top”un sahibi: "Bir gün vətənə qayıdıb, orada yenidən oynaya biləcəm"
• Mario Balotelli İtaliya klubunda - Rəsmi
• Rodri Ronaldodan sonra ikinci oldu