Almaniya Bundesliqa II-də XXXII turun oyunları davam edir.

Apasport.az saytının məlumatına görə, Azərbaycan millisinin futbolçusu Dmitri Nazarovun şərəfini qoruduğu “Aue” ev matçına çıxıb.

Adıçəkilən komanda özündən cəmi 1 xal çox toplayan “Bohum”u qəbul edib. İlk hissədə 2 top fərqi ilə önə keçən qonaqlar səfərdən qalibiyyətlə ayrılmağa nail olub. "Aue"nin gücü yalnız görüşə əlavə edilmiş dəqiqələrdə vurduğu təsəlli qoluna çatıb - 1:2.

Oyuna start heyətində daxil olan Nazarov 90+4-cü dəqiqədə əvəzlənib. Məhz onun yerinə meydana girən Nyeqoş Kupoşoviç az sonra fərqi minimuma endirib. Millimizin üzvü isə 73-cü dəqiqədə sarı vərəq ilə fərqlənib.

Qeyd edək ki, "Aue" hazırda 41 xalla 10-cu pillədə qərarlaşır.
 

• "Borussiya"da ciddi itki
• “Monako”da yeni müqavilə
• Yamal ən yaxşı adına layiq görüldü
• Yassin Benzia Əlcəzair millisində
• Poqba yaşıl meydanlara qayıdır